حدوتة جديدة لتوعية الاطفال بمفهوم السرقة
حدوتة النهاردة ...( لعبة أحمد )
كان ياما كان ....😊😊 كان في زمان ....ولد اسمه أحمد ......و كان أحمد عنده ولد صاحبه في المدرسة بيحبه اوي اسمه عاصم .....👦👦 و في يوم من الايام بابا أحمد جابلوا عربية لعبة جديدة .....
استأذن أحمد باباه انه ياخدها معاه المدرسة علشان يوريها لعاصم صاحبه .......☺☺☺ اللعبة عجبت عاصم جدا .....و اتمني ان تكون اللعبة دي بتاعته هو ...لدرجة ان الشيطان خلاه يفكر في فكره وحشة اووووي .....😮😮
استني عاصم لما أحمد قام يكلم المدرس و يسأله علي حاجه و فتح شنطة أحمد و اخد اللعبة و بسرعه خباها في شنطته هو .....من غير ما حد يشوفه او ياخد باله .....😲😲😲
و لما رجع عاصم البيت خبي اللعبة في اوضته .،....😟😟 و فضل يلعب بيها و هو مبسوط جدا .......لحد ما نام من كتر التعب علي السرير و هو في ايده العربية اللعبة بتاعت أحمد .....
و لما دخل باباه علشان يطمن عليه ...،لاقه نايم ....و لما قرب من سريره ...😞😞😞.شاف اللعبة و استغرب جدا ....مين جابله اللعبة الجديدة دي .....أخد اللعبة و خباها ....
و تاني يوم صحي عاصم من نومه و افتكر اللعبة فضل يدور عليها ملقهاش ....مبقاش عارف يعمل ايه .،،،😔😔 مفيش قدامه غير انه يسأل باباه و مامته .
و ساعتها سأله باباه انت جبت اللعبة دي منين ....اتكسف عاصم و بقي مش عارف يرد .....😡😡 باباه قاله قولي الحقيقة ....حكي عاصم لباباه علي اللي حصل بالظبط ......
استغرب باباه و قاله .....معقول يا عاصم تاخد حاجة مش بتاعتك من ورا صاحبها ....😫😫انت كدة سرقتها .....دي تبقي سرقة طبعا ...و انت عارف ان اللي بيسرق ربنا هيعاقبه عقاب شديد و هيدخل النار 😨😨😨..انهار عاصم في العياط ....
و قاله انا مكنتش اقصد يا بابا انا كنت هلعب بيها وهرجعالوا بكرة ...،😩😩 باباه قالوا يبقي كان لازم تستأذن صاحب اللعبة قبل ما تأخدها .....😵😵
لان الانسان الامين ميعملش كدة ابدا .... و رسولنا محمد عليه الصلاة و السلام كان أمين جدا و علشان كدة كل الناس كانت بتحبه .....☺☺ .و لو انت مكان أحمد و حد سرق لعبتك الجديدة ..أكيد كنت هتزعل جدا ....😠😠😠
رد عاصم ..عندك حق يا بابا ....قاله باباه فكر بقي دلوقتي معايا هتصلح اللي عملته ازاي ،.....😉😉😉 رد عاصم و قال ...هرجع اللعبة لأحمد بكرة و هعترف له بكل حاجه ....
و بالفعل راح عاصم المدرسة لاقي أحمد صاحبه قاعد زعلان ..و اول ما شاف عاصم ....😢😢😢.قاله وهو بيعيط ،...شوفت يا عاصم لعبتي الجديدة ضاعت مني ....
.. طلع عاصم اللعبة من شنطته و أداها لأحمد و اعترف بغلطته و طلب منه انه يسامحه ....😩😩
وو توتة توتة خلصت الحدوتة ....
#صفحة_حواديت_قبل_النوم_للكاتبة_شيماء_عبدالعال
Post a Comment