🚫🚫 عايزة اعرف هو ليه لازم احكي لاولادي حواديت قبل النوم 🚫🚫
بقلم : شيماء عبدالعال .
بصي يا ستي اولا كدة الحواديت تأثيرها سحري و فعال علي الاولاد ...اكتر بكتير من اننا ننصحهم يعني بدل ما نقولهم صلي علشان لو مصلتش هتدخل النار .....ممكن احكيله حدوتة تحببه في الصلاة ..😍😍
تاني حاجه ان الحدوتة بتخلق حوار جميل و مفيد بين الام واولادها ......و دة هيخلي اولادك يحبوكي و يتعلقوا بيكي ....😘😘و هيطلبوا منك تحكيلهم حدوتة كل يوم و هتلاقيهم بيسمعوا كلامك بس علشان تحكيلهم الحدوتة و انتي واخدهم في حضنك .
تالت حاجه بقي انك لما تختاري حواديت مفيدة و تربوية و تقدميها لاولادك هتلاقي نفسك بتوصلي لاولادك معلومات و سلوكيات جديدة .....هيكتسبوها و انتي مش واخدة بالك ...😊😊
رابع حاجة انك ممكن تعدلي سلوك غلط ابنك دايما بيقع فيه عن طريق الحدوتة ......يعني ابنك ممكن يبطل يقرقض ضوافره بالحدوتة .....و بنتك ممكن تتعلم تحب اخوها بالحدوتة برضه 😊😊
اما خامسا فبما ان وسائل الاعلام مبتقدمش محتوي كويس و مناسب لاولادك ....😩😩.فممكن تستخدمي الحدوتة علشان تصلحي اللي بيفسده الكارتون في ولادك .
سادسا بقي بما ان اولادنا لسه صغيرين و معندهمش خبرة .....فبالحدوتة بيكتسبوا خبرات كتير من التجارب و المواقف اللي بيمر بيها بطل او بطلة القصة ..😌😌
طيب عندي سؤال تاني لو سمحتي .....ابدأ احكي حدوتة لابني من سن كام ....😉😉
الاجابة بقي مفاجأة .....انتي ممكن تحكي حدوتة لابنك او بنتك من و هما جنين في بطنك علي فكرة 😊😊
و بعد كدة من سن سنة و نص انتي اللي تقدري تحددي حسب درجه استيعاب ابنك لمحتوي الحدوتة 😊😊
عرفتي بقي دلوقتي ليه لازم تحكي حدوتة لاولادك قبل النوم ☺😃
#صفحة_حواديت_قبل_النوم_للكاتبة_شيماء_عبدالعال
Post a Comment