حدوتة النهاردة ........🌸🌻🌸🌻🌸🌻
( الذئب الجائع ).......🐺🐺🐺🐺
كتابة و تأليف : شيماء عبدالعال
كان يا ماكان .... ..كان في زمان..........ذئب عايش في الصحراء في كهف من الكهوف☁☁........كان بيفضل يدور كل يوم علي اكل يأكله ...🐰🐔🐦🐑🐑...لانه بياكل لحوم مش نباتات او حشائش ....
...فكان بيفضل ماشي في الصحراء يدور علي اكل و هو و حظه ممكن يلاقي و ممكن ميلقيش .....😢😢😢😢.يعني مثلا ممكن يوم يلاقي ارنب بري اويوم ماعز صغيرة ......🐰🐰🐰
.و في يوم من الايام صحي الذئب من النوم و كان جعان جدا .........قعد يدور علي اكل ياكله ملقاش خالص ......🐺🐺🐺🐺.قعد يمشي و يمشي و يدور و برضه مفيش اكل ..........تعب من الجوع و من التدوير علي اكل ......قعد علي الارض حبة يستريح .......😞😞😞😞لمح من بعيد راعي اغنام .........ماشي
معاه مجموعه من الخرفان...
.فيهم خروفين صغيرين ..........🐑🐑🐑🐑.حاول يقرب منهم و يهجم علي اي خروف من الصغيرين و ياخده و يجري بعيد ياكله ....... لكن راعي الاغنام شافه و جري وراه بالعصاية بتاعته عشان يضربه ........🏃🏃🏃.جري الذئب بسرعه و هرب منه ........ورجع راعي الاغنام للخرفان بتاعته ...
.......قعد الذئب يفكر يعمل ايه .......هو جعان جدا و عايز ياكل .......و الاكل قدامه بس مش عارف يوصلوا ...........😢😢😢😢جاتله فكرة خطيرة .......افتكر انه عند في الكهف اللي عايش فيه فروة خروف كان اصطاده و اكله قبل كدة.......☺☺☺ فقرر يرجع الكهف بتاعه يجيب الفروة دي و يلبسها و يتنكر فيها و يحاول يدخل في وسط الخرفان اللي مع راعي الاغنام ّ...........
و يستدرج خروف صغير من الخرفان اللي معاه.......🐑🐑🐑.و ياخده علي جمب من غير ما راعي الاغنام ياخد باله ........و ياكله ........و بالفعل نجح الجزء الاول من خطة الذئب .....
...و دخل في وسط الخرفان و قعد يتكلم مع خروف صغير منهم ........😏😏😏😏😏😏و قاله بقولك ايه تيجي معايا انا اعرف مكان هنا مليان حشائش كتير اوووي هناكل منها انا و انت لحد ما نشبع بس متقولش لحد عشان نروح لوحدنا .......
و امشي ورايا براحه من غير ما الراعي ياخد باله ........🐺🐑🐺🐑و فعلا صدق الخروف الصغير كلام الذئب و مشي وراه بالراحه عشان محدش يشوفهم و الراعي ماياخودش باله .......👎👎👎👎👎
.بيتلفت الراعي حواليه .......شاف الخروف الصغير ماشي مع خروف تاني شكله غريب و بيبعدوا عنه ......جري الراعي وراهم عشان يرجعهم و يعرف هما رايحين فين ..........👌👌👌👌👌.
.اول ما قرب منهم الراعي خاف الذئب و حس انه هيتكشف .......فسرع خطوتة و بدأ يجري ........عشان يهرب ..........😱😱😱وقعت فروة الخروف من علي الذئب و اكتشف الراعي ان الذئب كان متنكر و عامل نفسه خروف .....🐑🐑🐑.فهم الخدعة بتاعت الذئب المكار .......👍👍👍👍
وقرر يعلمه درس مينساهوش .......و فضل يجري وراه بالعصاية و ضربه ضربتين .......🙋🙋🙋🙋.و هرب الذئب بأعجوبة من ايديه .......... و رجع الراعي الخروف الصغير لمامته و طلب منها تخلي بالها من ابنها ........🐑🐑🐑
عشان الذئب ميضحكش عليه تاني .......و قالها انه انقذه بالصدفة من الذئب اللي كان بيستدرجه بعيد عنهم عشان يأكله ........اتضايق الذئب جدا ان خطته فشلت ........و فضل يمشي تاني و يدور علي اكل ............😖😖😖😖😖
وتوتة توتة خلصت الحدوتة
هستني رايكم و رأي اولادكم في حدوتة النهاردة 😃😃
Post a Comment