حدوتة النهاردة خيالية شوية علشان نوصل لاولادنا معني ان الاتحاد قوة
حدوتة النهاردة ...( الزرافه الذكية )
تأليف : شيماء عبدالعال
الهدف منه توعية الاطفال بأن في الاتحاد قوة ..😊 و ان الانسان بيبقي اقوي باهله و اصحابه و زمايله😊
كان ياما كان ...... كان في زمان ....... مجموعه حيوانات .......😊😊 و هما القرد و الزرافه و الفيل و الغزاله والحمار الوحشي و الدب و فرس النهر ........
كانوا عايشين مع بعض في غابة جميلة .......🐻🐘🐒🐻...كانوا بيحبوا بعض جدا ......... و مبسوطين انهم عايشين مع بعض اوووي ........
و في يوم من الايام ........ جه الاسد و النمر و بنوا بيت ليهم قريب اوووي منهم ........😯😯 فكانت الحيوانات علي طول خايفه منهم........😠😠 لانهم ممكن يجوعوا و ميلقوش اكل يأكلوه فيهجموا عليهم........ و يختاروا حيوان منهم و ياكلوه ....،،،،،
كانت الحيوانات بتخاف تقرب من بيت الاسد و النمر اوووي .......
،😈😈 بقوا عايشين في رعب و مش عارفين يلعبوا مع بعض........ او يخرجوا يدوروا علي اكل ليهم برة الغابة
و في يوم من الايام ........😢😢ندهت الزرافه علي كل الحيوانات اصحابها ......👍👍👍 اتجمع الفيل و الغزالة و القرد و فرس النهر و الحمار الوحشي و الدب ........ وقفت قدامهم الزرافه و قالتهم .......😞😞😞😞 بقولكوا ايه انتوا عاجبكواا اللي احنا عايشين فيه دة ......
احنا بقينا عايشين في الغابة بتاعتنا و احنا خايفين......... احنا لازم نفكر...........😡😡😡لازم نتصرف .......رد الحمار الوحشي و قال ........ احنا ممكن نبني سور كبير بينا و بين بيت الاسد و النمر ........ ردت الزرافه و قالته الموضوع دة هيبقي صعب جدا ........😔😔😔
و محتاج مجهود كبير مننا ....... لان الغابة كبيرة ..... هنحاوط الغابة كلها ازاي بالسور........😲😲😲 رد القرد و قالها ...
..طيب ممكن ناخد بعضنا كلنا و ندور علي مكان تاني او غابة تانية نعيش فيها بعيدعن الاسد و النمر و بكدة هنعيش في امان ....... ردت الزرافه و قالتلوا لا طبعا 😠😠
الغابة دي بتاعتنا احنا ........ احنا اللي كنا عايشين فيها قبل ما هما يجوا يبنوا البيت بتاعهم ..........👌👌👌 يعني هو اللي يمشي و يدور علي مكان تاني مش احنا .........😛😛😛 رد الفيل و قالها انا شايف ان فكرة القرد كويسه ......... لان استحالة الاسد هيمشي بعد ما بني لنفسه بيت ......
ردت الزرافه لا ........ اصبروا بس و خلينا نفكر مع بعض يمكن نلاقي حل كويس ......... رد فرس النهر و قالهم طيب انا جاتلي فكرة ........☺☺☺
احنا نختار واحد فينا يروح للاسد و النمر و يحاول يقنعهم انهم يسيبونا نعيش جمبهم و مياكلوناش ردت الزرافه و قالتله ....... لاطبعا....... كدة هيحسوا اننا خايفين منهم ....😯😯
و هيستضعفونا .......و ممكن اصلا يهجموا علي اللي هيروح مننا دة و يأكلوه لما يلاقوة لوحده ......
قالولها كلهم طيب و الحل ايه احنا احتارنا .......😴😴😴
قالتلهم بصوا انا عندي فكرة ........ احنا لو كلنا اتجمعنا و روحنا للاسد و النمر........،،، و كلمناهم بقوة و هددناهم....... انهم لازم يمشوا من هنا ...... رد القرد و قالها ....،،، ازاي بس يا زرافه دول اقوي مننا دول حيوانات مفترسة...،،،
ممكن يهجموا علينا و ياكلونا ......،،قالتلوا هما اقوي مننا بس احنا اكتر منهم ....... هما اتنين بس لكن احنا كتير الحيوانات عجبتهم الفكرة اوووي ........☺☺
و قالولها خلاص احنا موافقين ....،....وقف الفيل جمب الدب و الزرافه و فرس النهر و الحمار الوحشي و الغزالة و القرد و راحوا لبيت الاسد و النمر ........💪💪
لاقوهم قاعدين علي الارض ...... اول ما شافوا الحيوانات قاموا وقفوا بسرعه ...... و سألوهم .......😢😢😢 هو في ايه ?? ......حس الحيوانات بالخوف في طريقة كلام الاسد و النمر .......... وكلموهم بقوة و طلبوا منهم انهم يمشوا من جمب الغابة بتاعتهم .........رد الاسد و النمر و قالولهم ليييه بس هو احنا عملنا ايه ......😰😰😰
احنا ضايقناكوا في حاجه ????
ردت الحيوانات في صوت واحد مع بعض .......الغابة دي بتاعتنا احنا ...... و احنا مش عايزينكوا جمبنا.........😡😡😡 رد الاسد و النمر ........،احنا مصدقنا لاقينا مكان نبني فيه بيت لينا...🙈🙈.،، و صدقونا و الله احنا عمرنا ما هنفكر نأذيكم 😩😩😩 او نهجم عليكم او نأكل حد فيكم ......... و لما نجوع هنروح ندور علي اكل لينا برة الغابة بتاعتكوا خالص و الله ردت الزرافه و قالتهم خلاص اتفقنا....،،،،،😊😊😊
رجع الحيوانات للغابة بتاعتهم و هما طايرين من الفرحه ........خلاص من النهاردة مفيش خوف و هيعيشوا حياتهم تاني زي الاول يلعبوا و يخرجوا و يطنطوا في الغابة براحتهم .......شكرت الحيوانات الزرافه الذكية .........لانها خلتهم اتحدوا كلهم ووقفوا ايد واحدة .....💪💪💪.. فبقوا اقوي و اقوي .
و توتة توتة خلصت الحدوتة
..
هستني رايكم في حدوتة النهاردة ....☺☺☺و متنسوش اللايك و الكومنت علشان حواديتنا توصلكم علي طول
إرسال تعليق