باقى قصة كيتى اهو
ياترى قابلت مين؟
ميكى وبطوط وديزنى احلى اصحاب
سالوها مالك ياكيتى بتعيطى وزعلانه ليه ؟
كيتى قالت انا زعلت مع اصحابى
وقلت العب لوحدى بس معرفتش العب من غيرهم
قالولها مينفعش حد يلعب لوحده ياكيتى شوفى
احنا التلاته مع بعضنا ازاى ومحدش فينا يعرف يلعب لوحده
والى يغلط يعتذر للتانى علشان نبقى احلى اصدقاء
تعالى يلا نصالحك مع اصدقائك علشان تبقى مبسوطه ومتزعليش
يلا بينا على الحديقه اصدقائك اكيد هناك بيلعبوا
كيتى راحت الحديقه وبتبص على اصدقائها
لقيتهم جروا عليها وقالوا كيتى جات كيتى جات
وفرحوا اوى انها رجعت وحيلعبوا مع بعض تانى
وقالولها احنا اسفين ياكيتى لو زعلناكى
احنا اسفين
ودى احلى بوسه علشان نصالحك
يلا بينا نلعب مع بعض بقى ياكيتى احنا معرفناش نلعب
من غيرك
وكيتى كمان قالت وانا كمان معرفتش العب لوحدى
يلا بينا نلعب مع بعض
وكيتى طبعا واصدقائها كانوا مبسوطين انهم رجعوا يلعبوا مع بعض تانى
وكيتى قالتلهم تعالوا نتفق اتفاق مع بعض ان محدش فينا يخاصم حد ومحدش
يلعب لوحده
والى يغلط لازم يعتذر علشان نبقى احلى اصحاب
متفقين
قالولها متفقين ياكيتى
وكيتى اتفقت مع اصحابها ورجعوا يلعبوا مع بعض وتوته توته
خلصت الحدوته
حلوه ولا ملتوته
اتعلمنا بقى ياحلوين ان محدش ينفع يلعب لوحده
لازم يبقى مع اخواتنا او اصدقائنا ومنخصمش بعض
والى غلط يعتذر للتانى
علشان نبقى حبايب على طول والشيطان ميفرقش بينا
متفقين ياحلوين
Post a Comment