قصة النهاردة ..( صندوق الذهب )
كتابة و تأليف : شيماء عبدالعال
كان ياما كان .....كان في زمان ...😃😃 ملك عايش في قصر كبير اوي .......و في يوم من الايام
كان الملك زهقان جدا .....و حب يطلع يتمشي برة القصر بتاعه .....😔😔..خرج الملك مع انتين من الحراس بتوعه و فضل يتمشي في شوارع المدينة ......
وصل الملك عند شارع لقاه زحمه جدا و ناس كتير ماشيين فيه .سأل الملك الحراس ...😨😨😨...هو الشارع دة زحمة اوي كدة ليه ...😖😖.رد واحد منهم وقاله اصل ده الشارع الوحيد اللي الناس بتمشي فيه علشان يوصلوا للسوق و لاماكن الشغل بتاعهم ........😓😓وقف الملك ساكت حبة و كأنه جاتله فكرة .......بص الملك للحراس و قالهم ...طيب و لو الشارع دة اتقفل الناس هتعمل ايه ???
استغرب الحراس من كلام الملك و قالولوا حضرتك تقصد ايه ........قالهم انا عايزكوا بكرة و الناس نايمين و قبل ما اي حد يخرج من بيته ...😉😉😉.. تجيبوا صخرة كبيرة جدا ......تحطوها في نص الشارع دة ........
وواحد منكم يقف من بعيد و يشوف الناس هتتصرف ازاي و في اخر اليوم يجي يقولي عملوا ايه ......👌👌👌....استغرب الحراس من طلب الملك .....بس مكنش قدامهم غير انهم يسمعوا كلام الملك و ينفذوا اللي هو عايزة ..👆👆👆
...و بالفعل تاني يوم جاب الحراس صخرة كبيرة جدا و حطوها في نص الشارع اللي الملك قالهم عليه ......ووقف واحد منهم من بعيد يتابع و يشوف الناس هيتصرفوا ازاي ....👀👀👀👀.اول واحد مشي في الشارع كان تاجر كبير و غني جدا عنده محلات بيبع فيها ملابس و قماش ...👴👴👴
...اول ما قرب التاجر من الصخرة و شافها اتعصب اوي و قعد يزعق بصوت عالي ويقول ايه اللي جاب الصخرة دي هنا و مين الغبي اللي عمل كدة .........👆👆👆.اللي عمل كدة لازم الملك يحاسبه و يعاقبه ......هروح ازاي الشغل بتاعي دلوقتي .....
.انا لازم اروح للملك و اقوله يتصرف و يبعت عمال يشيلوها ......😞😞😞.و فضل يزعق و يزعق و بعدين لف من حوالين الصخرة و مشي من طريق تاني .........😡😡😡.
و بعد شوية .... جه تلات بنات اخوات كانوا رايحين المدرسة و اول ما قربوا من الصخرة و شافوها ....😏😏استغربوا و فضلوا يتكلموا مع بعض و يقولوا هنروح المدرسة ازاي دلوقتي ...... في الاخر قالوا احنا نرجع البيت و نقول لبابا و هو يروح للملك و يقوله علشان يتصرف .............😡😡😡
و بعد شوية عدي اربع شباب اصحاب كانوا رايحين شغلهم 👨👨👨👨 ....و اول ما قربوا من الصخرة و شافوها استغربوا اوي و اتضايقوا ......واحد منهم سأل الباقيين و قالهم هنعمل ايه دلوقتي هنعدي ازاي من الصخرة دي...😱😱😱....رد واحد منهم و قال تعالوا نزوقها احنا الاربعه مع بعض او ندحرجها واحدة واحدة لاخر الشارع و بعدين نركنها علي جمب ........😓😓😓
رد واحد منهم و قال لا لا لا .......احنا كدة هنتأخر علي الشغل ....😔😔..احنا ندور علي طريق تاني نمشي منه و نعدي علي الملك و نطلب من الحراس اننا نقابله و نقوله و هو اكيد بقي هيتصرف .......😡😡😡...
و بعد شوية عدي فلاح كان شايل ادواته و رايح الشغل بتاعه في الارض بتاعته .....👀👀👀..و اول ما شاف الصخرة الكبيرة .....و من غير ما يفكر طلع بسرعه الفأس بتاعه و قعد يكسر في الصخرة .....لحد ما بقت قطع صغيرة و فضل يزق قطعه قطعه و يطعها برة الشارع ....😃😃😃.
و فجأه و هو بيزق اخر حته من الصخرة لاقي تحتها صندوق مدفون في الارض و مش باين منه غير الغطي بتاعه ....😉😉😉...طلع الفلاح الصندوق و فتحه ........لاقي الصندوق مليان قطع ذهب .......اتفاجئ الفلاح بالذهب و قعد يفكر يا تري الصندوق دة بتاع مين ..😊😊😊....و مين اللي حطه تحت الصخرة دي ......و لسه بيبص علي الصندوق بعينيه .....لاقي ورقه في وسط قطع الذهب ......مسكها بايديه و فتحها و قرأها ......📃📃📃📃
..لاقي مكتوب فيها جملة واحدة بس ( هذا الصندوق هدية من الملك للشخص الذي سيحرك الصخرة من مكانها ..).....
اخد الفلاح صندوق الذهب و راح بيه لقصر الملك و طلب يقابله . ....😉😉😉..الملك قابله و فرح بيه جدا علي المجهود اللي عمله .......لكنه اتفاجئ لما لاقي الفلاح بيقوله ........انا مش عارف انا عملت ايه عشان استحق عشانه صندوق مليان قطع ذهب زي دة 😊😊😊
رد الملك و قاله لا انت تستحقه و تستحق اكتر من كدة كمان ....لانك الانسان الوحيد اللي لما شاف الصخرة الكبيرة في طريقه فكر ازاي يتخلص منها و يحركها علشان يكمل طريقه ...👍👍👍....يعني حليت المشكله لوحدك ......مدورتش علي حد تاني علشان يحليهالك .......و دة معناه انك انسان ذكي ......👍👍👍و عشان كده صندوق الذهب دة تكريم مني ليك فياريت تقبله .....فرح الفلاح جدا بكلام الملك .....و اخد صندوق الذهب و خرج من القصر و هو طاير من الفرحة .....😃😃😃😃..
و توتة توتة خلصت الحدوتة
القصة دي قابلتني فكرتها علي الفيس بوك من
حكمة صينية ظبطها في شكل قصة و يا رب اولادنا يستفادوا منها ......
هستني رايكم في حدوتة النهاردة 😃😃😃
إرسال تعليق