حدوتة النهاردة الهدف منها توعية الاطفال من خطر الخطف و انهم لو تاهوا لاقدر الله يتصرفوا ازاي ....
حدوتة النهاردة .....( سما و سيف في خطر ) .
كان يا ماكان ......كان في زمان ...😊😊..بنت و ولد اخوات اسمهم سما و سيف👫👫 ...... كانوا بيحبوا بعض اوي .....و كانوا الاتنين شاطرين جدا و اذكياء.
..... و في يوم من الايام خرجوا سما و سيف مع باباهم و مامتهم يشتروا شوية طلبات للبيت من السوبر ماركت اللي في المول ....👴👵. قعدوا يتمشوا شوية في المول و كانوا مبسوطين جدا و عمالين يضحكوا و يهزروا مع بعض .
و فجأة سما و سيف بيبصوا وراهم ملاقوش مامتهم و باباهم ......😨😨 اتخضوا طبعا ووقفوا في مكانهم و مبقوش عارفين يعملوا ايه ......سيف كان خايف جدا و سما كمان .....😟😟
شاف سيف رجل كبير معدي جمبهم كانت عايز يجري عليه و يسأله علي مكان مامته و باباه ......😓😓😓 سما قالتلوا استني يا سيف انت هتعمل ايه ...انت نسيت ماما قالت لنا نتصرف ازاي لو توهنا قبل كدة ...لو هنسأل حد يبقي نسأل حد موثوق فيه مش اي حد معدي جمبنا و خلاص ....😵😵
فضل سما و سيف واقفين في مكانهم متحركوش .....👫👫..شافهم من بعيد راجل شكله مريب و لما شافهم واقفين لوحدهم حس انهم تايهين .....قرب منهم و قالهم ازيكم يا حبايبي .....مالكم واقفين كدة ليه .....تعالوا معايا ماما و بابا بعتوني اخدكم و اوصلكم ليهم ........😓😓
رد سيف و سما في صوت واحد لا يا عمو احنا مستنين ماما و بابا هما قالولنا متتحركوش من هنا و احنا هنجيلكم ......😧😧 حس الرجل ان كذبه اتكشف ....و قعد يفكر يقنعهم ازاي انهم يجوا معاه.
و فجأة و هما واقفين شافت سما رجل امن لابس لبس رجال الامن المعروف ........مسكت سما ايد اخوها سيف و جريت عليه بسرعة ... 👍👍👍 و حكولوا علي اللي حصل ..
رجل الامن طمنهم و قالوهم متقلقوش انتم معايا في امان .....و اكيد باباكم و مامتكم دلوقتي بيدوروا عليكم هما كمان .......افتكر سيف الورقة اللي مامتهم دايما بتديهلوا يحطها في جيبه هو و سما كل ما يخرجوا .....😩😩
طلعها بسرعة و اداها لرجل الامن و قاله اتفضل يا عمو الورقة دي في العنوان بتاعنا و رقم تليفون بابا و ماما .....😌😌 فرح جدا بيه رجل الامن و قاله برافو عليك انت كدة سهلت علينا المهمه ....
انا كنت هاخدكم و نروح للبوابة و ننده علي باباكم و مامتكم في مكبر الصوت علشان يجوا يستلموكوا مني ......😄😄😄.اخد رجل الامن الورقة و اتصل برقم باباهم المكتوب و قاله هما موجودين فين..... و ثواني و كان باباهم و مامتكم قدامهم .....😩😩
جري بسرعة سما و سيف علي مامتهم و باباهم .....و شكروا رجل الامن جدا علي مساعدته ليهم .....😊😊 باباهم و مامتهم فرحوا جدا بيهم لانهم اتصرفوا صح جدا .....
سألت سما مامتهم هو انتوا كنتوا فين يا ماما و ازاي بعدتوا عنا ؟؟؟......احنا كنا ماشيين قدامكم و فجأة بنبص ورانا مش لاقيناكوا .......😯😯
ردت مامتها احنا كنا ماشيين عادي و شايفنكوا .....فجأة قابلنا ناس اصحابنا وقوفونا علشان يسلموا علينا .......😟😟 وقفنا لكن انتوا موقفتوش و الظاهر كنتوا مشغولين في الكلام مع بعض ......و في ثواني ملاقيناكوش قدامنا .....و من ساعتها بندور عليكوا 😢😢😢
رد سيف عندك حق يا ماما ....احنا غلطنا بعد كدة مش هنسيب ايدك ابدا انتي و بابا ....😨😨.حضنتهم مامتهم و قالت لهم
بس بجد بجد برافو عليكوا انتوا اولاد اذكياء و شاطرين و اتصرفتوا صح طبعا 👍👍👍
و توتة توتة خلصت الحدوتة
لو عجبتكم حدوتة النهاردة متنسوش تدوسوا لايك و شير علشان توصلكم حواديتنا باستمرار ☺☺
إرسال تعليق