حدوتة جديدة لتوعية الاطفال بمعني الصدقة و تشجيعهم علي العطاء
حدوتة النهاردة ....... ( ياسمين و جدتها )
تأليف و كتابة : شيماء عبدالعال
كان ياما كان كان في زمان بنت اسمها ياسمين كانت ياسمين بنوتة جميلة و رقيقه .....😊😊 كانت بتحب جدتها اوووي ......👧👧👧
و في يوم من الايام و هي عند جدتها ..... دخلت علي جدتها اوضتها .....👵👵👵 لاقيتها فاتحه دولابها و منزله كل الهدوم اللي في علي الارض
و جايبة شنطة هدايا كبيرة .... و بتختار من هدومها حاجات منها و بتحطها في شنطة الهدايا دي .......😳😳😳 و الباقي بتطبقه و تحطه في الدولاب استغربت ياسمين و قالت لجدتها ...... ممكن تقوليلي يا تيته حضرتك بتعملي ايه .
ردت تيته و قالتلها .......☺☺☺ انا برتب هدومي في الدولاب و باختار الهدوم اللي مش بلبسها و مبقتش مناسبة ليا و بحطها في الشنطة دي .......😌😌😌 و الهدوم اللي بلاقيها قديمة او مقطعه برميها في باسكت الزبالة .......😒😒سألت ياسمين جدتها طيب و الشنطة دي هتوديها فين
قالتلها بصي يا ياسمين يا حبيبتي ....... في ناس بتبقي فقيرة و معهاش فلوس تشتري بيها لبس جديد ........😄😄😄فانا حطيت الهدوم الزيادة اللي عندي اللي مش بلبسها عشان اديهالهم ........ قالتلها الله دي فكرة حلوة اووي يا تيته ...... طيب و الهدوم اللي بترميها في الباسكت دي متديهالهم ..........😔😔😔 قالتلها لا ياحبيبتي دي مقطعه مينفعش اديهالهم
مش معني انهم فقراء و معهمش فلوس يشتروا لبس جديد اننا ...... نيجي نساعدهم نديلهم لبس قديم و مقطع ......😡😡😡 لازم نراعي مشاعرهم و احساسيهم و منضايقهمش و نحسسهم انهم اقل مننا ..... ياسمين قالتلها عندك حق يا تيته 😉😉😉
بس شنطة الهدايا اللي انتي بتحطي فيها دي انا حاسة انها صغيرة ....... ممكن تجيبي كيس اسود كبير من بتاع القمامة ده عشان يكفي ........😃😃😃 قالتلها لا طبعا يا ياسمين مش هينفع بصي يا حبيبتي .......👆👆👆.. الهدوم اللي احنا بنديها للناس الفقراء دول او اي حاجه تانية ممكن نساعدهم بيها زي الفلوس او بطاطين او اي حاجه مش محتاجينها ...... دي اسمها صدقه .......😊😊 بنطلعها لله
و كاننا بندي هديه لحد عايزاني ابعت الهدية في كيس اسود بتاع القمامه 💔💔💔💔 ردت ياسمين و هي مندهشة و معجبة جدا بكلام جدتها الله عندك حق يا تيته.....😳😳😳 انا بحبك اووي يا تيته و بحب اتكلم معاكي لانك بتقوليلي حاجات اول مرة اعرفها منك
قالتلها و انا كمان بحبك اووي يا ياسمين و بحب اتكلم معاكي 💝💝💝 تعرفي يا ياسمين احنا لازم لما نشوف الناس الفقراء اللي حالهم اقل مننا نحمد ربنا علي كل نعمه ادهالنا .......👌👌 نعمه اننا عندنا بيت بنام فيه و سقف بيحمينا من البرد و المطر ..........😰😰😰نعمه اننا معانا فلوس نجيب بيها اكل و شرب و لبس جديد و نخرج و نتفسح
ردت ياسمين .........👧👧👧 كلامك صح يا تيته الحمد لله قالتلها جدتها و كمان لازم عشان ربنا يبارك لنا في النعم دي اننا نتصدق باي حاجه نقدر عليها لبس زيادة مش عايزينه ...... 👗👗 احذيه ضاقت علينا و مش بنستخدمها 👟👞👟👞 اكل نظيف زيادة عن حاجتنا
نشوف حد فقير و محتاج نساعده و نديلوا الحاجات دي ............. ردت ياسمين ببرائه .........😌😌😌طيب يا تيته انا بابا بيجيبلي لعب كتير اوووي و عندي لعب منها مش بلعب بيها ممكن اديها لنور بنت عمو احمد حارس العمارة بتاعتنا
فرحت جدتها منها جدا .........👵👵👵 انها فكرت في حاجه زي دي ........ و قالتلها برافوا عليكي يا ياسمين ....... انتي بنت جميلة بس المهم متكونش لعبه مكسرة 👧👧👧 عشان البنت تفرح بيها فربنا يفرح بيكي و يحبك اكتر قالتلها لا طبعا يا تيته انا خلاص فهمت كلامك ...... و لما روحت ياسمين البيت
طلبت من مامتها انها تساعدها في ترتيب دولابها زي جدتها و تختار الفساتين اللي مش بتلبسها .......👗👗👗 و تحطها في شنطة هدايا مع اللعبة اللي طلعتها من صندوق اللعب و تديهم ل نور بنت عمو احمد فرحت جدا مامتها بيها ........😊😊 و فعلا ساعدتها و نزلت معاها و خلت ياسمين تدي الشنطة بنفسها لنور
كانت ياسمين طايرة من الفرحه و هي بتعمل كدة خصوصا لما شافت الفرحه اللي فرحتها نور باللعبة و الفساتين ........👧👧👧و قعدت ياسمين تقول في سرها الحمد لله الحمد لله
و توته توته خلصت الحدوتة
#صفحة_حواديت_قبل_النوم_للكاتبة_شيماء
إرسال تعليق