لكل الاولاد اللي بتحب تردد كلام الكبار و هما مش فاهمين معني الكلام
حدوتة النهاردة .....( ندي تقلد البغبغان )
كان يا ما كان .......😊😊 كان في زمان بنوتة جميلة اسمها ندي......... ندي كانت بنت مؤدبة جدا و رقيقه ....... 😃😃 كانت ندي بتحب اوووي تقلد البغبغان. كلنا طبعا يا ولاد عارفين ان البغبغان بيقلد اي صوت و اي كلام يتقال قدامه و يسمعه 😉😉😉
ندي كانت بتكرر اي كلام يتقال قدامها او تسمعه..... و دي كانت مشكلتها الوحيدة ........😔😔.. لان مامتها و باباها كانوا بيحذروها كتير من التصرف دة لانه تصرف غلط.........👎👎👎
لكن ندي كانت فاكرة انها كدة بتهزر.........🙊🙊🙊و في يوم من الايام مامتها راحت تجيبها من المدرسة.......😞😞😞..و هما مروحين لاقوا مجموعه من الشباب بيتخانقوا مع بعض ........😱😱😱
وبيشتموا بعض بالفاظ وحشة جدا في الشارع ....... و دة لانهم مش مؤدبين طبعا ........😡😡😡 ندي لقطت كام لفظ من الالفاظ الوحشة دي منهم ......😨😨😨
و هما بيتخانقوا و قعدت ترددها بصوت واطي و هي ماشية جمب مامتها.........😢😢😢 مامتها مكنتش واخدة بالها و مركزة في الطريق و هما بيعدوا عشان العربيات ..........😥😥😥
راحت ندي المدرسة تاني يوم ....... صحبتها سهيلة و هي معدية من جمبها غصب عنها وقعت شنطة ندي علي الارض .......😩😩😩ندي اتضايقت جدا منها ...... و قامت مزعقة في سهيلة بصوت عالي و قالتلها.........
انتي وقعتي شنطتي علي الارض ليه يا ????? ... و راحت قايلة لفظ وحش من اللي سمعتها و هي مروحة من المدرسة امبارح ...........😥😥😥 المدرسة سمعتها و اصحابها كلهم سمعوها ........ هي رددت الكلمة و هي مش عارفه معنها طبعا زي البغبغان بالظبط ....😱😱😱
مكنتش تعرف ان لفظ غلط جدا و عيب و مينفعش بنت مؤدبة زي ندي تقوله طبعا ........😤😤😤 المدرسة زعقتلها جدا واخدتها وديتها لمديرة المدرسة .........🙊🙊🙊 اللي عاقبتها و طلبت منها انها تجيب معاها باباه او مامتها عشان يقابلوا المديرة بكرة و الا مش هيدخلوها الفصل بتاعها ......😢😢
ندي قعدت تعيط لانها بتتعاقب و هي مش فاهمه حجم الغلط اللي ارتكبته .......😳😳 غير انها كررت كلمه سمعتها في خناقة في الشارع و مش فاهمه معناها ايه اصلا .........😏😏😏
لما مامتها جت عشان تاخدها من المدرسة ........ لاقت ندي شكلها زعلان ........😡😡😡فضلت تسالها مالك يا ندي طول الطريق ........😱😱 و ندي مبتروديش ........
لحد ما وصلت البيت ...... قعدت ندي تعيط ..... 😨😨😨 و بعدين قالتلها المديرة قالتلي لازم باباكي او مامتك يجوا يقابلوني بكرة ضرورة ..... و لما مامتها سالتها عن السبب 😥😥😥
حكت لها ندي علي كل اللي حصل بينها و بين سهيلة صحبتها 😤😤😤 مامتها اتصدمت و استغربت معقول انتي قولتي الكلمة دي يا ندي ......😢😢😢 قالتلها ايوة ياماما ........
مامتها كانت هتتجن معقول يا ندي انتي بنت متربية و مؤدبة جبتي اللفظ دة منين .......😳😳 سمعتيه فين ....انا متأكدة من تربيتي ليكي .ندي اعترفت انها كررت الكلمة اللي سمعتها في اليوم اللي قبله و هي راجعه من المدرسة ........😞😞
لما كان مجموعه من الشباب بيتخانقوا مع بعض . ساعتها بس مامتها فهمت الموضوع ......😥😥 و عرفت ان اللي حصل لندي كان بسبب تقليدها للبغبغان ....... و تكرارها لاي لفظ او كلمة تتقال قدامها و تسمعها ....... مامتها فهمتها طبعا ان اللي عملته دة غلط كبير .......😣😣
و دة كان نتيجة لعدم سماع كلام مامتها و باباها بانها تبطل تكرر اي كلام يتقال قدامها و خلاص من غير ما تكون عارفه اصلا معناه ......... العقاب كان شديد .خاصة ان المدرسة و اصحابها سمعوها و اخدوا عنها فكرة انها بنت مش مؤدبة ..........😞😞😞 راحت تاني يوم مامتها معها المدرسة و قابلت المديرة و شرحتلها الموقف كله ........
لكن برضه مديرة المدرسة حذرتها ان الموقف دة مينفعش يتكرر تاني .......😰😰😰و الا هيكون في عقاب اكبر ........ ممكن يوصل لفصلها من المدرسة . لان مينفعش الفاظ وحشة زي دي تتقال في مدرسة كل الاولاد فيها مؤدبين ..........😨😨😨
اعتذرت ندي طبعا للمديرة و للمدرسة بتاعتها و لسهيلة صحبتها و لكل الفصل بتاعها .......
ووعدتهم انها كانت غلطة و مش هتتكرر تاني ابدا . لانها اتعلمت مترددش كلام و خلاص و هي مش عارفه معناه....😆😆😆
و توتة توتة خلصت الحدوتة
هستني تعلقاتكوا .....عشان اعرف رايكم في حدوتة النهاردة 😃😃
خلوا اولادكم يجاوبوا علي الاسئلة دي :
1-ندي كانت بتحب اوي تقلد ..( القرد -الاسد -البغبغان )
2-نادي سمعت الالفاظ الوحشة دي من اولاد بيتخانقوا في ( الشارع -النادي -التليفزيون )
3- ندي كانت بتردد الكلام و هي عارفة معناه (✔/❌ )
4-مديرة المدرسة عاقبت ندي و هي مش فاهمه هي بتتعاقب ليه اصلا (✔/❌)
5-رفضت ندي انها تعتذر لاصحابها و مديرتها رغم انها عرفت انها غلطت غلط كبير (✔/❌ )
إرسال تعليق