(((الفأر الذكى ))

حدوتة النهاردة ...( الفأر الذكي )......👍👍👍👍

كتابة و تأليف : شيماء عبدالعال

كان ياما كان كان في زمان فأر عايش في جحر صغير في بيت قديم .....كان الفأر بيخرج كل يوم بليل يدور علي اكل ليه .....و بعد ما ياكل يرجع تاني للجحر بتاعه عشان يستخبي من القطط.......😾😾😾😾

و في يوم من الايام كان الفأر جعان جدا و خرج عشان يدور علي اكل ......لكن للاسف ملقاش حاجه ياكلها فاضطر يبعد عن الجحر بتاعه و يمشي لبعيد يمكن يلاقي اكل ليه برضه ملقاش    

          .....😞😞😞😞.قرر الفأر انه يرجع للجحر بتاعه لانه تعب من التدوير علي اكل  و هو جعان مش قادر .....هيموت من الجوع .......و فجأه و هو في طريقه للجحر ظهرت له قطة .....الفأر اول ما شافها اتخض و حاول يجري و يهرب  مقدرش من التعب القطة قربت منه و لسه بتمد ايديها و هتهجم عليه ...😰😰.

..  و الفأر واقف مكانه مش عارف يعمل ايه ......حس انه خلاص القطة هتمسكه و تاكله

....😸😸😸😸😸..جاتله فكرة بص للقطة و قعد يعيط جامد ......القطة قالتلوا ....مالك انا عارفه انك خايف مني لكن معلش انا لازم اكلك انا جعانه اوووي ومصدقت لاقيتك .......قالها انا موافق انك تاكليني ....معنديش مانع. ....لكن انا كمان هموت من الجوع.......و خسيت و بقيت رفيع من قلة الاكل ......😋😋😋😋

عشان كدة انتي لو كلتيني مش هتشبعي ......لاني مش لاقي اكل ......لكن لو ساعديتني و جبتيلي اكل اكله هتخن و ابقي فار مقلبظ و لما تاكليني هتشبعي ........😼😼😼😼.الفأر طلع ذكي و قدر يقنع القطه الغبية انها تروح تدورلوا علي اكل ......

..وقف الفار بعيد عن السوبر ماركت و شاور للقطة انها تروح و تخطفلوا حته جبنة رومي كبيرة ليه عشان ياكلها ......و هو هيستناها.....😾😾😾راحت فعلا القطة و خطفت حته جبنة رومي من البائع و جريت  .......شافها البائع و جاب عصاية كبيرة و جري بيها ورا القطة .......

راحت للفأر و قالتلوا ها هنعمل ايه لازم نستخبي بسرعه .......😋😋😋😋قالها تعالي نستخبي عندي وراحوا علي البيت القديم اللي فيه الجحر  بتاعه.......خطف الفأر الجبنة الرومي من القطة و دخل الجحر بتاعه بسرعه و استخبي و قعد يأكل فيها.

.......🐭🐭🐭🐭.القطة وقفت برة تقولوا  يلا كل بسرعه و اخرج عشان اكلك بقي .......قعد يضحك الفأر و يقولها صحيح انتي ازاي صدقتيني ....يعني انا هخرجلك برجليا عشان تاكليني ههههههه.......🐱🐱...

القطة استغربت و قالتلوا ...احنا مش كان في بينا اتفاق .........الفأر قالها انتي صدقتي هو الفأر و القطة ممكن يتفقوا علي حاجه  برضه ؟؟

🐭🐭🐭🐭😾😾😾😾😾غضبت القطة و لسه بتتلفت وراها عشان تمشي لاقيت بائع السوبر ماركت و في ايديه العصايه و ضربها ضربتين .........صرخت القطة و هربت منه بالعافية  ........بعد ما اكتشفت هي قد ايه مكانتش ذكية لما وثقت في الفأر و صدقته.........😿😿😿😿😿😿

و توتة توتة خلصت الحدوتة .
خلوا اولادكم يجاوبوا علي الاسئلة دي .
1- كل يوم كان بيخرج الفأر من الجحر علشان ( يدور علي اكل - يتمشي شوية -يلعب مع اصحابه )
2- الفأر و هو راجع للجحر بتاعه فجأة قابله ( فار صاحبه  -كلب -قطة )
3-نجح الفأر انو يقنع القطة انها تجيبلوا ( عصير - جبنة رومي -لبس جديد )
4- طلبت القطة من الفأر  ( انه يأكل بسرعة و يخرج - انه ينام حبة و يرتاح - انه يرجع الجبنة للبائع )
5-الفأر نجح انه يخدع القطة ( ✔/❌)