حكاية عم شعبان

لو عايزين اولادكم يحبوا المدرسة و التعليم فدة الهدف من حدوتة النهاردة

حدوتة النهاردة .......( حكاية عم شعبان )

تأليف و كتابة : شيماء عبد العال

كان يا ما كان ........😊😊😊كان في زمان راجل طيب اوووي......☺☺☺.. اسمه عم شعبان ......كان عم شعبان ..   ....  بيشتغل حارس بوابة في مدرسة ابتدائية ........

       و كان كل الاطفال في المدرسة بيحبوه جدا .......👴👴👴 لانه طيب و حنين جدا ........و بيحب كل الاطفال .......💞💞💞و كان علي طول بيفرق عليهم بنبوني.........🍥🍥🍥🍥 عشان يشجعهم و يحببهم في المدرسة

     و كانوا الاطفال بيجروا عليه .........💃💃💃💃و يقعدوا جمبه بعد ما اليوم الدراسي يخلص .........😊😊😊و كان بيقعد يحكيلهم حكايات و مواقف بتحصل معاه..........😌😌😌

و كانوا بيسمعوه و يركزوا في كلامه و هو بيحكي   ...........☺☺☺  لان القصص بتاعته كانت شيقة جدا ........      و في يوم من الايام ..........اتجمع اولاد كتير حوالين عم شعبان ..........👴👴👴 فقالهم ايه رائيكم يا اولاد انا هحكيلكم النهاردة حكاية غريبة شوية .........😦😦😦

رد الاولاد كلهم في صوت واحد .......موافقين يلا احكيلنا بسرعة .......☺☺☺ ضحك عم شعبان و قالهم : حاضر حاضر ...... بس الاول انا هقولكوا علي سر اول مرة اقوله لحد  .....😊😊😊 فرح الاولاد و قالولوا قول يا عم  شعبان شوقتنا ..........

    قالهم تصدقوا يا اولاد ان انا كنت في يوم من الايام تلميذ في المدرسة دي .......... 😯😯😯 الاولاد كلهم استغربوا وقالولوا معقول  .........😲😲😲   قالهم بصوا يا ولاد انا لما كنت صغير مكنتش بحب المدرسة خالص .......و مكنتش بحب المذاكرة كمان........

و كان امنية حياتي انهم في يوم يلغوا التعليم ........👎👎👎و يقفلوا كل المدارس اللي في البلد كلها ......👌👌👌..      و لاني مكنتش بذاكر كنت علي طول بجيب صفر في الامتحانات .........

و لما بابايا و مامتي تعبوا و زهقوا مني خلوني قعدت في البيت و سيبت المدرسة ........😠😠😠و قالولي مدام مش هتتعلم في المدرسة..........😆😆😆 يبقي تروح بقي تتعلم شغلانة احسن .........   و روحت فعلا اشتغل عند حلاق جارنا........

بس كان علي طول بيضربني لو عملت حاجه غلط و بيشتمني كمان  .........😣😣😣   سيبته و روحت اشتغل في محل جمبنا بيبيع خضروات و فواكة .......... بس صاحب المحل كان بيخليني اشيل حاجات تقيلة اوووي.....😳😳😳.... و مكنتش بقدر و تعبت فمشيت من المحل و سيبته  ........

.   و روحت اشتغلت فترة في محل جزارة ........ 😭😭😭بس الجزار صاحب المحل  كان راجل عصبي اووووي ........😟😟😟.و في مرة نسيت اعمله حاجه كان طالبها مني ......😢😢😢...ضربني جامد اوووي .......و اتجرحت في ايدي جرح كبير...........

لسه سايب اثر في ايدي لحد دلوقتي.......🙊🙊🙊 و قعدت اتنقل من محل لمحل .....،.لحد ما كبرت ....... و  رجعت لمدرستي ......... بس المرة دي مش تلميذ لا.... رجعت مدرستي اشتغل فيها  حارس بوابة........😩😩😩

بعد ما كنت في يوم من الايام تلميذ فيها .........😮😮😮  و اصحابي اللي كانوا معايا زمان........ بقوا دكاترة و مهندسين و موظفين في شركات كبيرة    .........

بشوفهم و هما بيجيبوا ولادهم المدرسة هنا .،...،،،،😢😢😢....و دايما بيقولولي ..: احنا بنبقي مطمنين علي اولادنا علشان هما معاك هنا في المدرسة ّ..........

  عشان كدة يا اولاد انا بحب اشجعكوا عشان تحبوا المدرسة ......😊😊😊..و حكيتلكوا حكايتي عشان تتعلموا منها اوعوا يا اولاد تعملوا زي منا عملت ........😈😈😈     خلي بالكوا من مذاكرتكوا.......   و يا رب اشوفكوا احسن ناس في الدنيا     ........ بس اوعوا في يوم تنسوا حكاية عمكوا شعبان ..،،،،😦😦😦

و توتة توتة خلصت الحدوتة

هستني تعليقاتكوا علشان اعرف رايكم في قصة النهاردة ☺☺☺☺
خلوا اولادكم يجاوبوا علي الاسئلة دي :
1-عم شعبان كان بيشتغل حارس بوابة ( مدرسة -عمارة -نادي )
2-عم شعبان كان زمان و هو صغير ( مدرس في المدرسة -تلميذ في نفس المدرسة -مدير المدرسة  )
3-كان دايما عم شعبان و هو تلميذ ( بيطلع الاول  - بيطلع التاني -بيجيب صفر )
4-اول شغل اشتغله عم شعبان كان عند(  حلاق - جزار -مكواجي )
5-عم شعبان حكي حكايته للاولاد علشان ( يقلدوه و يعملوا زيه - يتعلموا منها و ميعملوش زيه  -علشان يكرهوا المدرسة)