حدوته النهاردة ...( أميرة في الصندوق )
كان ياما كان ...😃😃..كان في زمان بنوتة جميلة و رقيقة اسمها اميرة ......كانت اميرة بنوتة مؤدبة و بتسمع كلام مامتها و باباها ..👧👧👧.....و لما دخلت المدرسة .....بقي عندها اصحاب كتير اوي .....و كل اصحابها كانوا بيحبوها ..🚺🚺🚺🚺.
و كانت هي كمان بتحب اصحابها جدا .....و بتقعد تتكلم معاهم و بدات تحكيلهم عن نفسها .....و هي بتعمل ايه في البيت من ساعة ما بتروح من المدرسة لحد بتنام بليل .....🏠🏠🏠.و بالتدريج بدات أميرة تحكي لاصحابها كمان عن كل حاجه بتحصل في البيت ....😡😡
مش بس الحاجات اللي تخصها و بس ..😨.😨.يعني بدات تحكي لاصحابها مثلا ان مامتها اشترت ملابس جديدة ....و حاجات تانية كتير .......😱😱حتي كلام مامتها مع باباها و اتعود اصحابها كمان انهم يسألوها كل يوم ....😠😠😠.اكلتي ايه امبارح ؟ خرجتي فين مع مامتك و باباكي ....و هي تجاوبهم بكل صراحة .....😔😔
مرة في مرة اتعودت أميرة انها تحكي و تتكلم مع اي حد و تقوله علي كل اللي بيحصل في بيتهم بالتفصيل ....😏😏😏..و في يوم من الايام .....سمعت أميرة مامتها بتتكلم مع باباها ان في واحدة صاحبة مامتها عايزة تيجي تزورهم في البيت ..😱😱😱
...و قالتلوا كمان انها مش بتحب صحبتها دي لانها بتقعد تتكلم علي باقي اصحابهم و تقول عليهم كلام مش حلو ....😁😁😁.و هي مش بتحب كدة لان دة حرام ...........و لما جتلهم صاحبة مامتها البيت عندهم ..😓😓😓..دخلت مامه أميرة المطبخ علشان تجيب لها عصير .....
و بسرعة قعدت أميرة جمب صاحبة مامتها و فضلت تحكي لها علي الكلام اللي سمعت مامتها و باباها بيقولوه قبل كدة .....😌😌..صاحبة مامتها زعلت جدا و قامت فتحت الباب و مشيت .....😞😞
جت مامه اميرة بسرعة و سألتها هو في ايه ......هي طنط راحت فين ......👵👵حكت أميرة لمامتها علي كل اللي حصل .....اتضايقت مامتها جدا منها و قالتلها انتي جبتي الكلام اللي قولته لطنط دة منين.....؟...👵👵 قالتلها سمعتك و انتي بتتكلمي مع بابا ....
زعلت مامتها جدا منها ......استغربت أميرة و قالتلها انتي زعلتي ليه يا ماما .....🙈🙈انا اتكلمت مع طنط صاحبتك عادي زي ما بتكلم مع اصحابي في المدرسة و بحكيلهم علي كل حاجة ...🙊🙊...اندهشت مامتها جدا و قالتلها معقول يا أميرة ......
بس دى حاجه غلط خالص و مش صح ......ساعتها بس فهمت مامتها ان أميرة كانت بتقع في غلطة كبيرة اووووي طول الفترة اللي فاتت ....😁😁😁
قعدت مع أميرة و قالتلها بصي يا حبيبتي .....انا هسامحك المرة دي لانك كنتي بتعملي حاجة غلط بس انتي مكونتيش تعرفي انها غلط ...😔😔...تعرفي يا أميرة .....بيتنا اللي احنا عايشين فيه دة عامل زي الصندوق ...📦📦📦
....و الباب بتاع شقتنا دة هو الغطا بتاع الصندوق ....و اي حاجه بتحصل جوة الصندوق دة تعتبر سر ..😳😳😳كانت أميرة مركزة جدا في كلام مامتها .....كملت مامتها و قالتلها .......و الصندوق بتاعنا مدام مقفول بالغطا بتاعه و محدش من الناس اللي برة شايف او سامع اللي بيحصل جواه .....😢😢😢.
يبقي مينفعش احنا نحكي و نقول للناس اللي بيحصل جوة الصندوق بتاعنا .....لاننا كدة بنطلع اسرارنا كلها برة الصندوق بتاعنا ....👎👎👎
...هزت أميرة راسها و قالت ...👧👧👧خلاص يا ماما انا فهمت يعني مينفعش اني احكي لاصحابي او لاي حد اللي بيحصل في بيتنا .....انا كدة كنت بعمل حاجه غلط .....😰😰😰
بس من النهاردة مش هقول لاي حد علي اللي بيحصل جوة الصندوق بتاعنا خالص 😊😊 سكتت أميرة شوية و قالت لمامتها ......طيب لو حد سألني عن اي حاجه بتحصل جوة الصندوق بتاعنا ارد اقول ايه بقي ؟؟😒😒😒
ردت مامتها و قالتلها ....تقوليلوا اسأل ماما لانك طفلة صغيرة ..😣😣😣..اللي عايزة يسأل عن اي حاجه يجي يسألني انا او بابا ....👌👌👌
و توتة توتة خلصت الحدوتة
لو عجبتكم حدوتة النهاردة دوسوا لايك و علقوا و لو بكلمة تم ..... علشان تظهرلكم دايما كل بوستاتنا الجديدة 💕☺☺
خلوا اولادكم يجاوبوا علي الاسئلة دي :
1_أميرة كانت مش بتحب اصحابها خالص (✔/❌)
2_أميرة اتعودت تحكي لاصحابها كل حاجه بتحصل في بيتها (✔/❌)
3_بيتنا اللي احنا عايشين فيه عامل زي (المركب _الصندوق _النادي )
4_مامه اميرة فهمتها ان اللي كانت اميرة بتعمله دة صح ( ✔/❌)
5_لما حد يسألني عن اي حاجه حصلت جوة بيتنا أرد اقول ايه ?
إرسال تعليق