(( اياد باداب الطريق)))

الهدف منها توعية الاطفال بآداب الطريق
حدوتة النهاردة ..( إياد و اداب الطريق )

كتابة و تأليف : شيماء عبدالعال

كان ياما كان ......كان في زمان ...😃😃😃....ولد اسمه إياد......... كان إياد ولد جميل و مؤدب ........كان بيحب رياضة الكاراتية جدا هو عمر صاحبه 😉😉😉  .........و كانوا علي طول بيروحوا تدريب الكارتية في ميعاده و مبيتأخروش .......😃😃 و في مرة من المرات ..........و هما ماشيين في الشارع و رايحين التدريب......

.....😊😊😊شاف إياد قشرة موزة مرميه علي الارض ...........😖😖 وطي بسرعه و شالها من علي الارض .........و دور علي باسكت و رماها فيه ..........😉😉استغرب عمر من تصرف اياد لكنه متكلمش .........شوية و شاف إياد قطعه زجاج مكسورة مرميه علي الارض .........😊😊...وطي بسرعه و طلع منديل من جيبه و مسكها براحه  و دور علي اقرب باسكت و رماها فيه .........😡😡😡عمر صاحبه اتضايق منه.............مشيوا شوية و بعدين شافوا  مجموعه احجار مرميه في الطريق ..........👍👍👍...

وقف إياد و شالها و ركنها جمب الرصيف ...............اتضايق عمر صاحبة منه اكتر  و قاله بسخرية ........في ايه يا إياد .......هو انت بقيت شغال عامل نظافه و لا ايه??? .........😓😓😓😓 ضحك إياد و قاله لا يا عمر .......دانا لما لاقيت قشرة الموز  خفت حد يتزحلق فيها و يقع علي الارض .........😉😉😉..و لما لاقيت الزجاج المكسور خفت حد يدوس عليه و هو مش شايفه و رجله تتعور .......👍👍👍.

و لما لاقيت الاحجار دي مرميه في وسط الطريق خفت حد رجله تدوس عليها و يتأذي بسببها ........... .هز عمر راسه و قاله ماشي يا إياد ........😡😡يلا بسرعه بقي احسن نتأخر علي ميعاد التدريب ..........مشيوا شوية .........و بعدين قابلتهم بنوتة .......وقفتهم و سألتهم .........😃😃😃 لو سمحتوا ......تعرفوا فين مكتبة الطفل ....??? رد اياد و قالها ايوة انا عارف طريقها .......      

وقف إياد و قعد يشرحلها ازاي توصل للمكتبة ..........😡😡😡😡كان عمر متضايق جدا ........و اول ما إياد خلص كلامه مع البنت ووصفلها الطريق و مشيت ........😠😠😠 قالوا عمر في ايه يا إياد  ......هو انت بقيت شغال مرشد .......بتوصف للناس الطريق 👎👎👎احنا كدة هنتأخر علي ميعاد التمرين ........و الكابتن هيزعل مننا و هيزعقلنا ........😁😁😁

رد إياد و قاله لا متخافش ان شاء الله هنلحق و هنوصل في ميعادنا .........مشيوا شوية و بعدين عدوا علي جماعه واقفين بيتكلموا مع بعض .......✋✋✋...اتكلم إياد بصوت عالي و قالهم .......السلام عليكم ..........استغرب عمر و سأله هو انت تعرف الناس دي .........رد إياد و قاله لا معرفهومش 🙈🙈🙈 قاله امال بتسلم عليهم ليه 🙊🙊🙊...........

.ومشيوا شوية و بدأوا يسرعوا خطوتهم .........🏃🏃🏃و مرة واحدة ...........شافوا راجل كبير في السن شايل شنط كتير و عايز يعدي الطريق الناحية التانية و مش عارف .........🚶🚶🚶كان خايف من السيارات .........لانها كانت بتمشي بسرعه .........و هو خطوتة بطئية........دة غير الشنط التقيلة اللي شايلها .........🙏🙏🙏🙏 قرر إياد يساعده ........ جري بسرعه ناحيه الراجل الكبير في السن و عرض عليه انه يساعده و يعديه الطريق ..........🙅🙅🙅

و بالفعل شال إياد منه الشنط و فضل يشاور بأيده التانية للسيارات انها تهدي سرعتها لحد ما الراجل الكبير دة يعدي الطريق .........🙇🙇🙇 عرض عليه إياد انو يوصله لحد بيته ..........لكن الراجل الكبير قاله متشكر جدا يا ابني .. ......😍😍😍.كتر الف خيرك ......انا خلاص جمب بيتي ......

... رد إياد و قاله .......متشكرنيش يا عمو انا معملتش حاجه ..........مشي إياد و هو سامع صوت الراجل الكبير عمال يدعيلوا بصوت عالي .........😊😊😊 ربنا يوفقك يا ابني و ينجحك و تطلع من الاوائل علي مدرستك ............فرح إياد جدا و ابتسم .......و رجع ل عمر صاحبه .........😱😱😱 لاقاه غضبان جدا منه ..........انت ايه حكايتك النهاردة يا إياد ..........انت مصمم تأخرنا علي ميعاد التدريب ..........😁😁😁😁 تعالي نرجع البيت بقي احنا كدة اتأخرنا عقبال ما نوصل هيكون التمرين خلص ..........😃😃😃

ضحك إياد و قاله .........انا معملتش حاجه غريبة يا عمر ........دي اداب الطريق ..........اللي شرحتها لنا ميس نور  الاسبوع اللي فات .........😏😏😏 انت لحقت تنسي يا عمر ...........اتكسف عمر  من نفسه جدا ..........و قاله اه صحيح افتكرت .........😉😉😉

عندك حق ..............😊😊😊 رد إياد و قاله عموما احنا قربنا خلاص من النادي فاضل حته صغيرة .......تعالي نجري شوية و ان شاء الله هنوصل في ميعادنا .........😃😃😃...و بالفعل .........وصل عمر و إياد في ميعاد التدريب بالظبط ........👍👍👍👍

و توتة توتة خلصت الحدوتة .
.لو عجبتكم حدوتة النهاردة دوسوا لايك و شير
خلوا اولادكم يجاولوا علي الاسئلة دي :
1-اياد و عمر كانوا بيحبوا رياضة ( كرة القدم - الكاراتية - جمباز )
2-إياد شال قشرة الموز من علي الارض علشان ( هو بيحب الموز - هو اشتغل عامل نظافة - محدش يتزحلق فيها )
3-البنت اللي قابلتهم في الطريق سألتهم عن مكان ( مكتبة الطفل - دكتور اطفال -محل ملابس )
4-لما قابل إياد  جماعة واقفين في الطريق قالهم  ( الحمد لله - السلام عليكم - الساعة كام )
5-بالرغم من الحاجات اللي عملها اياد في الطريق  ( اتاخروا علي التمرين- الكابتن زعق لهم  -وصلوا في ميعادهم بالظبط )