قصة النهاردة (( الشوكة والمعلقة ))

قصة النهاردة ( الشوكة و المعلقة ).....🍴🍴🍴

حدوتة خيالية لتوعية الاطفال بمعني الادوات الخاصة و الشخصية .

كان يا ما كان .... كان في زمان ....☺☺بنت اسمها لوجي ...👧👧.و اخوها اسمه بدر ...👦👦.كانوا اولاد شاطرين و مؤدبين جدا ،،،، و في يوم من الايام قعدت لوجي مع بدر يتغدوا مع باباهم و مامتهم..

..و بعد ما ماماتهم و باباهم خلصوا و قاموا قعدت لوجي مع بدر يكملوا اكلهم
و بعد ما لوجي خلصت اكلها قامت غسلت ايديها و رجعت  ،،،،👏👏👏 مسك بدر الشوكة بتاعت  لوجي و بدأ يأكل بيها ...

...و فجأة صرخت الشوكة و قالتلوا لا لا لا يا بدر مينفعش .....استغرب بدر اوي من الصوت و قالها ..😬😬.

.مينفعش ايه؟؟؟ ....  ردت الشوكة و قالتلوا مينفعش تأكل بيا دلوقتي لازم تغسلني الاول ،،،،👆👆👆 لان لوجي كانت لسه بتستخدمني و بتاكل بيا 👋👋

بصلها بدر و قالها يا سلام طيب منا ساعات باكل بالمعلقة بتاعتها بعدها عادي......😃😃😃 ردت المعلقة و قالتلوا برضه غلط و مينفعش يا بدر ....😕😕استغرب بدر اكتر و قالهم ..هي ايه الحكاية ؟؟؟

ردت الشوكة و قالتلهم : بصوا يا حبايبي الادوات اللي بتستخدم في الاكل دي لازم تكون مغسولة و نظيفة .....😛😛😛 مينفعش نستخدمها مكان بعض .

قاطعتها المعلقة و قالتلهم بص يا بدر انت و لوجي ...... كل واحد فيكوا لازم يكون ليه ادواته الشخصية.......😯😯😯 ركزت لوجي في كلام المعلقة و قالتلها يعني ايه ادواته الشخصية دي .

ردت الشوكة و قالتلهم اقولكم انا ....😶😶😶يعني ساعة الاكل كل واحد فيكوا يستخدم شوكة و معلقة و طبق لوحده و مينفعش حد ياكل بمعلقة التاني او شوكة التاني بعد ما يكون اكل بيها و حطها في بوقة ....😠😠

استغرب بدر من كلام الشوكة و قالها ليه بقي مش احنا اخوات يعني عادي ناكل مع بعض ضحكت الشوكة ......😃😃😃و قالتلوا ماشي يا بدر انا عارفه انكوا اخوات بس برضه مينفعش.....

لان ممكن عن طريقتنا تتنقل الامراض من حد مريض لحد سليم مثلا  ......😳😳😳 فيتعب و يروح للدكتور ......😉😉 اتخضت لوجي و قالتلها معقول ....
.لا انا بعد كدة هخلي بالي و مش هاكل بشوكة او معلقة يكون اكل بيها حد قبلي الا لما اغسلهم .🍴🍴🍴

قالتلهم المعلقة بس خالوا بالكوا مش بس احنا اللي نعتبر ادوات شخصية .....👆👆.و مش بس احنا اللي ممكن ننقل الامراض من حد للتاني ......اندهشت لوجي و بدر و سألهوهم ..

..لييييه هو في ادوات شخصية تاني غيركوا ...😩😩😩ردت المعلقة و الشوكة و قالولهم ايوة طبعا ......الكوباية او الازازة اللي بتشربوا فيها ماية او عصير تعتبر ادوات شخصية .....👌👌👌

سألهم بدر و ايه كمان ....ردت الشوكة و قالتلهم و حتي فرشاة الاسنان اللي بتغسلوا بيها اسنانكم و كمان الفوطة اللي بتنشفوا فيها ايديكم و ووشكم و كمان مقص الاظافر  و المناديل الورقية 😬😬تعتبر ادوات خاصة و شخصية .مينفعش حد يستخدمها بعد حد .

هزت لوجي راسها و قالتلهم خلاص اوعدكم من النهاردة.........😐😐😐 انا و بدر كل واحد فينا هيبقي ليه ادواته الشخصية الخاصة بيه هو لوحده...... و محدش فينا هيستخدم ادوات التاني ابدا علشان نحافظ علي اجسامنا سليمة من غير امراض .

و توتة توتة خلصت الحدوتة

هستني تعليقاتكوا علشان اعرف رأيكوا و رأي اولادكوا في حدوتة النهاردة☺☺☺

خلوا اولادكوا يجاوبوا علي الاسئلة دي :
1_لوجي و بدر كانوا بياكلوا وجبة ( الفطار _الغدا _العشا)
2_بعد ما لوجي خلصت اكل بدر مسك ( الشوكة بتاعتها _ المعلقة بتاعتها _ الفرشاة بتاعتها )
3_ لو اخويا اكل بمعلقة ينفع استخدمها بعده و اكل بيها من غير ما اغسلها ( صح و لا غلط)
4_ فرشاة الاسنان من الادوات الخاصة الشخصية (صح و لا غلط )
5_ ينفع اشرب من زجاجة مياة بتاعت حد مريض ( صح و لا غلط )