(( الأصدقاء ))

حدوتة النهاردة ........  ( الأصدقاء )

الهدف منها الابتعاد عن الانانية

تأليف و كتابة : شيماء عبدالعال

كان ياما كان .. ....😊😊كان في زمان 4 حيوانات و هما قرد وفيل وزرافة ودب ........🐵🐼🐘.. كانوا أصدقاء جداً ......وبيحبوا بعض جداً جداً .......كل يوم كانوا بيتجمعوا في الصيف هما الأربعة.........😊😊😊

ويفضلوا طول اليوم مع بعض يأكلوا ويشربوا ويلعبوا لحد ميعاد النوم ما يجي ........☺☺☺. ولما قرب فصل الشتاء ......😃😃 قعدوا يفكروا هيعملوا أيه عشان يحموا نفسهم من البرد والمطر .. .🐘🐼🐵🐼

...فكروا هما الأربعة أنهم يساعدوا بعض ويبنوا لكل واحد فيهم بيت قوي يحميهم من المطر والبرد ........🙈🙈. قالت الزرافة أنا والفيل ممكن نجمع أكبر عدد من فروع الشجر........🐘🐘🐘 والدب قال وأنا أقدر أشيلهم وأوصلهم للمكان إللي هنبني فيه البيوت .......

وقال القرد أنا بقي هجيب لكم الحبال ........🐒🐒🐒وعشان أنا حجمي صغير وبقدر اتنطط بسهولة ........هقدر أربط فروع الشجر في بعض بالحبل وبكدة هانقدر نبني بيوت قوية لينا........🐻🐻

وفعلا بدأوا في تجميع فروع الشجر........ وأول يوم عملوا بيت الزرافة .......✌✌✌. تاني يوم عملوا بيت الفيل .. تالت يوم عملوا بيت الدب .....😃😃😃.. وجه الدور علي بيت القرد رابع يوم..... .. لكن الفيل والدب والزرافة كانوا تعبوا ومش قادرين .........🙊🙊🙊

. قعدوا يتهربوا من القرد..... .....🐒🐒🐒. كل يوم يروح يقولهم يلا بقي فاضل البيت بتاعي يقولوا إحنا تعبانين...... 🐘🐘🐘طيب نرتاح النهاردة ونبنيه بكره لحد ما فصل الشتا بدأ .........😔😔

والجو بقي برد ومطر ........والقرد مش لاقي مكان يحميه ويستخبي فيه .........😱😱😱.. وفي يوم كان الجو برد جداً ......والمطر كان شديد فكر القرد يعمل أيه .........😨😨قال أنا هروح استخبي بقي في بيت أي حد من أصدقائي الفيل أو الدب أو الزرافة.🐘🐘🐼🐼

خبط علي بيت الزرافة...... وطلب منها تفتح له عشان يستخبي عندها من المطر الشديد 🐒🐒.. الزرافه قالت له مش هينفع أنا البيت علي قدي ومش هينفع تقعد معايا هنبقي مزنوقين .....😞😞

. خبط علي بيت الفيل وطلب منه نفس الطلب ...... الفيل قال له مش هينفع أنا ضخم وحجمي كبير.....😒😒 أخاف أدوس عليك برجلي وأنا مش شايفك .......

. خبط علي بيت الدب وطلب منه نفس الطلب .. الدب قاله مش هينفع أنا اتجوزت ..😰😰..وعايش مع الدبة مراتي في البيت مفيش مكان ينفع تقعد فيه معانا......

زعل القرد جدا من أصدقائه .....وفضل طول الليل قاعد في البرد والمطر الشديد ....💤💤💤.. وهو بيترعش مش عارف يروح فين..... .. لما طلع الصبح و خرجت الحيوانات من بيوتها ........🏠🏠🏠لاقوا القرد نايم علي الأرض تعبان ........وبيترعش وجسمه سخن جدا ..

صعب عليهم جدا...... .. وحسوا بالذنب إنهم كانوا أنانين......🏨🏨🏨.. ومفكروش غير في نفسهم لما مرضيوش يساعدوه يبني بيت له ..........😁😁😁 ولما محدش فيهم رضي يخليه يستخبي عنده في بيته شاله الفيل ........ ودخله بيته و غطوه و عالجوه لحد ما حالته اتحسنت ...😖😖😖

..... واعتذروا له عن أنانيتهم .......وساعدوه أنه يبني بيت كبير وجميل له .......ورجعوا تاني أصدقاء بيبحبوا بعض وبيخافوا علي بعض.😃😃

و توتة توتة خلصت الحدوتة ....

لو عجبتكم حدوتة النهاردة ....دوسوا لايك و شير  هتظهر لكم بوستاتنا الجديدة دايما 😃😃😃

خلو اولادكم يجاوبوا علي الاسئلة دي :
1_ كان الاصدقاء بيتجمعوا و يلعبوا في (الشتا -الربيع _الصيف )
2_علشان يحموا نفسهم من برد الشتا فكر الاصدقاء انهم .(يبنوا لكل واحد فيهم بيت _يبنوا بيت كبير يعيشوا فيه مع بعض _ يدوروا علي كهف يستخبوا فيه )
3_اول واحد بنوا له بيت كان(الفيل -القرد _الزرافة )
4_ رفض الدب يخلي القرد يدخل لانه (اتجوز و عايش مع مراته_ لانه ضخم و مفيش مكان _لانه طويل و ممكن يدوس عليه)
5_لما الدب و الفيل و الزرافة لاقوا القرد تعبان عملوا ايه ( قالوا احسن يستاهل - صعب عليهم و حسوا بالذنب - سابوه و راحوا يلعبوا مع بعض )