(( حسين وأداب بر الوالدين ))

قصة النهاردة الهدف منها توعية الاطفال بأداب بر الوالدين .......😃😃

حدوتة النهاردة ..( حسين و أداب بر الوالدين )

تاليف و كتابة : شيماء عبدالعال

كان ياما كان ......كان في زمان .......ولد اسمه حسين ......👨👨👨كان حسين ولد جميل  ..........و  جده ابو باباه  كان بيحبه جدا .....👴👴👴.و كان بيحب يجي يزورهم علي طول .......و يقضي معاه اليوم و يجيبلوا معاه العاب و حاجات حلوة كتير  .......🍬🍦🍫🍭.و في يوم من الايام .......و جد حسين عندهم ......

..لاحظ جده ان حسين بيعمل شوية تصرفات غلط خالص .......👎👎👎.لاقي حسين علي طول بيتكلم في البيت بصوت عالي .......و مش بيسمع كلام مامته او باباه .......👵👴👵👴.و كل كلامه زعيق ......و للاسف كان ساعات كمان صوته بيعلي علي باباه و مامته

.......👎👎👎.مرة و مامته بتكلم صاحبتها في الموبايل  ........قرب منها حسين و قالها بصوت عالي ....👄👄👄..يووووة يا انا عمال اتكلم و انتي مش سمعاني عشان بتتكلمي في الموبايل ......😥😥😥انتي مش بتسيبي الموبايل دة من ايديك خالص يا ماما .......استغرب جدو جدا .....😒😒.ايه الطريقة اللي مش مؤدبة دي اللي حسين بيكلم بيها مامته .......😞😞😞

و لما مامته مثلا تطلب  منه يساعدها في عمل اي حاجه في البيت بيرفض و يقولها ....👎👎👎.انا مش فاضي يا ماما  .......انتي مش شيفاني بتفرج علي التليفزيون ......الكارتون اللي بحبه شغال .......مامته كانت بتضايق منه جدا ......👌👌.....و مرة تانية باباه  كان راجع من الشغل و تعبان ........قعد علي الكرسي يستريح شوية .......حسين قعد يتشقلب علي الكرسي يتنطط و مش مراعي ان باباه موجود ..........😔😔😔

.كل دة و جد حسين متابع كل تصرفاته و متضايق منه جدا .........و لانه بيحبه جدا و نفسه يشوفه انسان كويس و مؤدب و كل الناس تحبه .... 😊😊😊...قرر جده ان يتكلم مع حسين و يفهمه انه كدة بيتصرف غلط .........😨😨و بالفعل طلب جدو منه انه يقعد معاه حبه في اوضته .......و لما دخلوا الاوضه .......قفل جده الباب عليهم

.........و قالوا بص يا حسين يا حبيبي ....😊😊😊..انا عايزة اتكلم معاك في موضوع مهم .....قالوا نعم ياجدو في ايه .......قالوا انت عارف اني بحبك و نفسي اشوفك احسن شاب في الدنيا كلها ...  .😠😠😠 و انا بصراحه شايف انك بتعمل تصرفات غلط مينفعش يعملها ولد مؤدب زيك .....👨👨👨.رد حسين و قالوا ليه يا جدو انا بعمل ايه يعني??? ....

..قالوا  بص يا حسين في أداب الدين بتاعنا حطاهالنا علشان نعرف ازاي نتعامل مع مامتنا و بابانا .....سأل  حسين جده و قالوا بجد يا جدو اسمها ايه الأداب دي ........👨👨رد عليه جده ....اسمها أداب بر الوالدين ....... .لاننا هنتحاسب يوم القيامه علي معاملتنا ليهم و اللي بيعامل باباه و مامته في الدنيا  كويس بيدخل الجنه .......😃😃😃.اول الاداب دي اننا نطيع بابانا و مامتنا يعني نسمع كلامهم و منعصيهمش .....لان طاعه الوالدين من طاعه ربنا .....😃😃..يعني مينفعش اقول لامي او بابايا ....اوووف او يووووة ...

..و كمان مينفعش اعلي صوتي عليهم او اقاطعهم و هما بيتكلموا ...😁😁😁....و اصبر لحد ما يخلصوا كلامهم و بعدين اتكلم ......و لما اتكلم معاهم اتكلم بأدب و احترام .......👆👆👆و قعد جده يفكروا بالمواقف اللي شافوا بيعملها مع مامته و بابه  ........🙇🙇🙇

.و كمان لازم تساعد مامتك لو طلبت منك اي حاجه تعملها معاها في البيت ........لانها بتتعب جدا علشانك ....... 🏃🏃🏃دة غير بقي انك المفروض تقعد قدام باباك و مامتك بأدب و احترام مش اتنطط و اتشقلب علي الكرسي زي منتا بتعمل ....

.كان حسين بيسمع كلام جده و هو مكسوف ......🙍🙍🙍معقول كان بيعمل كل الغلطات دي و هو مش واخد باله ........يعني اكيد مامته و بابه كانوا بيضايقوا منه و بيزعلوا ...👴👵👴👵....يعني ربنا كمان اكيد غضبان منه و من معاملته الوحشة لباباه و مامته ....... سأل جدو طيب و بعدين يا جدو اعمل ايه دلوقتي عشان اصلح الغلطات اللي كنت بعملها دي .....😱😱😱😱

.قالوا جده انت لازم تعتذر لمامتك و باباك عن كل التصرفات الغلط اللي عملتها و توعدهم انك مش هتكررها تاني😁😁😁 ...و انك من هنا و رايح هتلتزم باداب بر الوالدين ......رد حسين علي جده و قالوا .....حاضر يا جدو .....بس يا رب هما يسامحوني 😃😃😃😃...

  ..... و توتة توتة خلصت الحدوتة حلوة و لا ملتوتة ..
خلوا اولادكم يجاوبوا علي الاسئلة دي :
1-مين اللي كان بيحب حسين و بيجي يزوره علي طول ( خاله -عمه -جده)
2-لما جد حسين لاحظ ان حسين علي طول صوته عالي في البيت ( استغرب جدا -فرح جدا -سابه و مشي )
3-حسين كان دايما بيساعد مامته في شغل البيت  (صح و لا غلط )
4-ينفع اني اعلي صوتي و انا بكلم مامتي و بابايا ( صح و لا غلط )
5-لو مامتي طلبت مني اساعدها في اي حاجه في البيت ( اوافق و لا ارفض )