حدوتة مناسبة لسن سنتين و نص فأكثر
حدوتة النهاردة ......🌼🌼🌼
( فريدة و الوردة )
كان يا ما كان كان في زمان بنت اسمها فريدة .....👧👧👧👧 كانت فريدة بنت جميلة........لكن بتحب تقطف الورد من الحديقه اللي قدام بيتهم ......🌻🌻🌻
كانت كل ما تلاقي وردة جميلة طلعت في الحديقة تجري و تقطفها .......مامتها قالتلها ان كدة غلط لان الوردة من النباتات يعني كائن حي حرام نقطفها و نموتها ...... وبعدين الورد بيزين شكل الحديقة ليه نقطفه و نشوهها ....
لكن فريدة مكنتش بتسمع كلام مامتها و قالتلها يا ماما انا بحب اشم ريحه الورد اوي بيبقي ريحته حلوة ....🌸🌸🌸🌸.مامتها قالتلها ماشي يا ستي شميها لكن سيبها في الفرع بتاعها مش لازم تقطفيها .....
.و بعدين المفروض لما نشوف حاجه جميلةزي الورد نقول سبحان الله و نسيبها عشان غيرنا يشوفها و يستمتع بجمالها و يسبح ربنا ......ايه اللي هتستفيديه لما تقطفيها و تشميها شوية و ترميها في الزبالة لما تدبل ....😃😃😃😃😃..
ليه متسيبهاش تكبر و يطلع غيرها و غيرها و تبقي الحديقة مليانه ورد و شكلها جميل ......و في يوم من الايام صحيت فريدة من النوم و راحت تبص من الشباك بتاع اوضتها لاقت حاجه غريبة في الحديقة اللي قدام بيتها.......😃😃😃😃
جريت بسرعه و طلعت علي الحديقة لاقت وردة لونها اصفر جميله جدا جدا طالعه في الحديقة شمتها لاقيتها ريحتها حلوة اوي اوي مدت ايدها عشان تقطفها بسرعه و بدون تفكير زي ما هي متعودة ......🌻🌻🌻🌻
اخدتها و دخلت البيت و لما مامتها شافتها في ايديها ......😡😡😡زعلت جدا منها و قالتلها برضه يا فريدة انا مش فهمتك ان كدة غلط ......👌👌👌👌
ردت فريدة و قالتلها اصل شكلها عجبني اوي و عايزة ازين بيها الاوضة بتاعتي و احطها علي مكتبي .......طلعت فريدة اوضيتها و قعدت تشم شوية في الوردة و حطيتها علي مكتبها و نسيتهاو قعدت تلعب بلعبها و قضيت يومها عادي جدا .....و لما جه ميعاد نومها ...
.راحت علي سريرها و حطتت دماغها علي مخدتها ...😌😌😌..و فجأة سمعت فريدة صوت غريب .....صوت حد بيعيط اتخضت فريدة و قامت تدور الصوت دة جاي منين ....?????
برضه صوت العياط لسه شغال و هي مش عارفة دة صوت مين قعدت تقرب من المكتب لاقت الوردة الصفرا اللي قطفتها الصبح دبلانه و عمالة تعيط .....🌻🌻🌻سألتها فريدة مالك يا وردة هو انتي اللي بتعيطي .....قالتلها ايوة . .....قالتلها بتعيطي ليه ......قالتلها الوردة يعني مش عارفه بعيط ليه ......حرام عليكي انا عملتلك ايه عشان تقطفني و تموتيني ...
..انا ربنا خلقني عشان ازينلكوا الدنيا و لما تشوفوني تستمتعوا بشكلي و تتبسطوا و تقولوا سبحان الله ....🙋🙋🙋ليه زي منتي شوفتيني محافظتيش عليا و سيبتيني للناس التانية تشوفني و يتبسطوا و يسبحوا ربنا هما كمان👪👫👪👫 ..
....دلوقتي اديكي قطفتيني و مسبتنيش اكبر و اوراقي تتفتح و اديني دبلت لاني مش لاقيه اكل او شرب و بموت و بكرة ترميني في الزبالة .....ليه بس كدة ليه ....
..اتأثرت فريدة جدا بكلام الوردة لدرجه انها بكت عليها و قالتلها خلاص سامحيني و الله لو اقدر ارجعك الفرع بتاعك تاني كنت رجعتك ...🚺🚺🚺🚺.و فجأه صحيت فريدة من النوم و اكتشفت انها كانت بتحلم قامت مخضوضة و لاقت نفسها عمالة تقول..
...اوعدك من النهاردة مش هقطف ورد تاني......اوعدك من النهاردة مش هقطف ورد تاني ....... جريت فريدة ناحية المكتب بتاعها و مسكت الوردة الصفرا الدبلانه و باستها و قالتلها سامحيني انا مش هقطف ورد تاني ......🙇🙇🙇🙇
و توتة توتة خلصت الحدوتة
متنسوش لايك وشير علشان حواديتنا و بوستاتنا توصلكم باستمرار 😍
Post a Comment