حدوتة ( الملك الطماع و الجوهرة )
الهدف منها حث الاطفال للابتعاد عن صفة الطمع لانها صفة مكروهه
كتابة و تأليف : شيماء عبدالعال
كان ياما كان كان في زمان ملك عايش في قصر كبييير 🏰🏰🏰قدامه جنينة كبيرة مزورعه بالزهور🌼🌼🌼🌼و الخضروات 🍆🍤🌽🍅🍅 و الفواكة 🍇🍇🍇🍇🍉🍎🍓
و كان عنده جنايني هو اللي ماسك الجنينة دي ....هو اللي بيزرعها و يسقيها و يلم الحشائش و يقلم الشجر 🌴🌴🌴🌴و في يوم من الايام طلب الملك من الجنايني انو يزرعلوا شجرة مانجا ..
...و في تاني يوم اخد الجنايني الفاس بتاعه و اختار مكان فاضي و بدأ يحفر بالفاس عشان يزرع شجرة المانجا اللي طلبها الملك 👍👍👍👍و فجأه و هو بيحفر لاقي جوهرة كانت مدفونة في الطين .......💎💎💎💎💎
فرح الجنايني جدا و لانه كان امين قال انا لازم اديها للملك و فعلا اخد الجوهرة و جري علي الملك و اديهالوا ......و قالوا انه لاقي الجوهرة دي مدفونة في الطين و هو بيحفر عشان يزرع شجرة المانجا......فرح الملك جدا ...
..و اخده الطمع وامر الجنايني انه يحفر تاني في المكان دة يمكن يلاقي مجوهرات تاني 👑👑👑👑سمع الجنايني كلام الملك و بدأ يحفر تاني ..... و هو بيحفر لاقي جوهرة تانية ....فرح جدا و جري ادها للملك .......💎💎💎💎....
..الملك فرح جدا و قالوا احفر تاني .... فضل الجنايني يحفر لحد ما تعب و راح للملك و قالوا انا تعبت اوووي من الحفر و مش لاقي جواهر تاني ممكن اروح استريح في بيتي و اجي بكرة بدري اكمل حفر ........👑👑👑
الملك رفض و قالوا لا احفر تاني احفر في كل الجنينة قالوا الجنايني ازاي بس و الزهور و الفواكة و الخضروات المزروعه ......🍇🍉🍅 قالوا مش مهم احفر برضه. و شيل كل الشجر و الزرع المهم تلاقيلي جواهر تاني .....
..فضل الجنايني يحفر و هو زعلان و حزين لان الملك صاحب الجنينة الطمع عماه وهيخليه يهد الجنينة اللي عملها الجنايني بايديه و تعب فيها .....كان صعبان عليه تعبه و مجهوده اللي تعبه في زرع كل شجرة و كل وردة بايديه .......🌼🌸🌻🌺💮🍀🍁🌼🌸🌻...
...و لما راح للملك و قالوا انه مش لاقي ولا جوهرة تاني غضب الملك جدا و قالوا انت اللي مش عارف تحفر كويس ....و بعت جاب عشر عمال و طلب منهم يحفروا الجنينه كلها ميسبوش فيها شبر واحد لحد ما يلاقوا الجواهر كلها .........💎💎💎
فضل العمال العشرة يحفروا يحفروا لحد ما الجنينة كلها مبقاش فيها مكان متحفرش و برضوا ملقوش و لا جوهرة تاني .....بص الملك فجأة للجنينة و اتصدم لما لاقي الجنينة الجميلة بتاعته اللي كانت مليانة شجر فواكة و خضروات و زهور اشكالها و الوانها جميلة🌼🌸🌻🌺🌱🌿🍌🍇🍉
بقت عبارة عن حفرة كبيرة شكلها وحش جدا جدا و قعد يتحسر علي الجنينة الجميلة بتاعته و اتضايق جدا من نفسه ان طمعه هو اللي خلاه يضيع الجنينة بتاعته في لحظة طمع .....و ندم جدا علي اللي عمله لكن بعد فوات الاوان ....😔😔😔😔😔
وتوتة توتة خلصت الحدوتة .
لو عجبتكم لايك و شير علشان توصلك دايما كل حواديتنا😊
خلي اولادكم يجاوبوا علي الاسئلة دي :
1- طلب الملك من الجنايني ان يزرعلوا شجرة ( تفاح -مانجا - برتقال)
2-الجنايني و هو بيحفر بالفأس لاقي ( صندوق - فلوس -جوهرة )
3-الجنايني لاقي كام جوهرة في الجنينة ( اتنين - اربعة -سبعة )
4-الملك جاب كام عامل علشان يحفروا و يدوروا علي الجواهر ( عشرين -خمسة -عشرة )
5-بعد ما خلص العمال حفر في الجنينة ( لاقوه مجوهرات كتير - ملقوش حاجه و الجنينة اتدمرت -معرفوش يدوروا كويس )
Post a Comment