حدوتة النهاردة مناسبة من سن سنتين فأكثر ...
هدفها حث الاطفال للمحافظة علي اسنانهم 😀😀
حدوتة النهاردة .....( أسنان الدبة بصلة )
كان ياما كان .....كان في زمان دبة صغيرة و جميلة اسمها بصلة ..🐼🐼...و في يوم من الايام صحيت بصلة علي الم شديد في اسنانها .....فضلت بصلة تعيط و تنده علي مامتها ....😯😯
مامتها قالتلها اهدي بس يا بصلة .....😭😭و افتحي بوقك اشوف في ايه اللي بيوجعك ....... مامتها شافت سنة من اسنانها لونها غامق عن باقي الاسنان ....😨😨 قالتلها الظاهر يا بصلة ان في سنة عندك مسوسة و هي اللي عملالك الوجع دة
احنا لازم نروح لدكتور الاسنان ....دة دكتور كويس اوي .....😳😳 راحت الدبة بصلة للدكتور الدب ....و اول ما شاف اسنانها قالها .....الظاهر يا بصلة انك بقالك فترة مش بتهتمي بنظافة اسنانك و مش بتغسليها بالفرشاة و المعجون ......😩😩 و بتاكلي حلويات و حاجات مسكرة كتير
هزت الدبة بصلة راسها و قالتلوا فعلا انا بقالي فترة بكسل اغسل اسناني بعد الاكل .....🐻🐻و مبقتش مهتمه بيها خالص ......و باكل عسل كتير فعلا انت عارف يا دكتور ان الدببة بتحب العسل ....🐼🐼
قالها عارف يا بصلة بس كان لازم تغسلي اسنانك كويس بعد الاكل .......😕😕 و خصوصا قبل النوم ...... لانك لما مبتغسليهاش بعد الاكل ...بواقي الاكل بتلزق علي اسنانك.....😞😞 و دة اللي بيخلي السوس يبدأ يأكل في الاسنان و يكسرها فأسنانك طبعا توجعك بالشكل اللي انتي فيه دلوقتي ......😷😷
بدأ الدكتور ينظف للدبة بصلة سنتها اللي بتوجعها و يعالجها ......😢😢 و لما خلص ....فضل يأكد علي بصلة انها لازم تغسل اسنانها كويس بعد كدة بعد الاكل علي طول بالفرشاة و المعجون .......😯😯 و الا كل فترة هيحصلها اللي حصل دة تاني و سنة تانية من اسنانها هتسوس برضه 😰😰 و هتيجيلوا تاني علشان يعالجها
ردت الدبة بصلة بخوف ......لا يا دكتور انا خلاص ههتم بتنظيف اسناني بعد كدة علي طول ......😊😊
خرجت بصلة من عند الدكتور و هي بتغني و بتقول ....عندي فرشاة اروبة ليها شعر صغنون ..😂😂...و معاها انبوبة بتطلع معجون .....اخد من دة علي ادي و انظف اسناني ......الصف الفوقاني من فوقه لتحتيه ...☺☺..و الصف التحتاني من تحتيه لفوقيه
فرحت مامتها بيها جدا و قالتلها برافو عليكي يا بصلة انتي دبة شاطرة .....🐻🐻
ضحكت بصلة و قالتلها ياااااة يا ماما الوجع بتاع سنتي كان فظييييع .......انا لازم احافظ علي اسناني طبعا علشان متسوسش تاني ابدا و هغسلها علي طول بالفرشاة و المعجون 😊😊
و توتة توتة خلصت الحدوتة
يلا بسرعة دوسوا لايك و شير علشان توصلكم حواديتنا و بوستاتنا علي طول ☺☺
Post a Comment