تراجعت على الفكرة ديال الهجرة

تراجعت على الفكرة ديال الهجرة.. من بعد ما بديت كانتوادع مع عشراني...
واحد الدري صاحبي راه كايقرى هادشي و راه باقي عاقل فاش كان كايهضر معايا و قال ليا طارق راه كانهضر معاك و فيا البكية راه غادي نتوحشك... ديديكاس ليك خويا #خليل...
المهم ملي دابا سمحت فداك البلان.... رجعت للعيشة ديال الحومة.... و البلانات والشفارة و هادشي كامل طلع ليا فراسي حيت ملي حليت عيني فكازا و أنا كانعيش فوسط هادشي.... ولكن ماعنديش البديل يلعن بو الفقر...
فديك الوقت كان ربيعي داك البوكسور المغربي ربح البطولة العالمية فالملاكمة و تأهل للتصفيات للي كاينة فالبرازيل... و شفت الڤيديوات و تفكرت لاصال يامات كنت كانتريني باش نقطع البلية... و ندمت حيت حبست لونطريما... و قررت نرجع لاصال... مشيت لاصال نسول واش باقا خدامة... قليتهم باقين
تقيدت معاهم و خلصت 3 أشهر تسبيق باش نرتاح حيت ماعارفش واش غادي نكون مضبر فالفلوس من هنا للقدام... بقيت مع أسماء أونكونطاكت.... و داك الدري ولد الدرب تا هو كان تقيد معايا فلاصال... ولا كايعطيني أخبار أسماء حيت هو ديما مكونيكطي العكس ديالي أنا ماكانتكونيكطاش بزاف....
رجعت لاصال و عجبني الجو ديال لونطريما و داكشي... و بدينا كانمشيو للكومبات مع ليصال آخرين ديال كازا... كانو كايديرو لينا كومبات مابين ليصال.... و كنت مرة سالخ مرة مسلوخ و عجبني الهيت بزآآآف .. واحد النهار كانت كاتصب الشتا... و كان داك الدري ولد الدرب للي كايتريني معايا ماجاش... طرينيت و خرجت مع العشرة ديال الليل و الشتا خيط من السما.... و أنا كانموت على نتمشى تحت الشتا.. ضربت القب على راسي و الصاك فظهري و مادرتش موسيقى فودني باش نسمع صوت الشتا كانرتاح ليها بزآآف.. ماشي داير فيها فيلسوف ولا رومانسي... والله تا هاكا داير أنا من عند الله..
المهم كنت كانتمشى وصلت للشانطي باش نقطع كانت جاية واحد الطومبيل بشوية... دازت من قدامي فيها واحد الدري باقي صغير قدي فالعمر ولا كبر مني شوية... كان فالطوموبيل و راكبة معاه واحد البنت زوينة القدام.... و حاطة راسها على كتفو... جاو مع بعضياتهم بزآآف دازو بشوية و بقيت كانشوف فيهم و حسدتهم والله... قلت كوپن كان الصرف كوراني تا أنا و أسماء مزوجين و دايرين هاكا فطوميبلتنا...
مشات ديك الطوموبيل و أنا قطعت الشانطي هاقد و كانقول يلعن بو الوقت غادي فهاد الشتا فحال الكلب تفوووو مابقاش عاجبني داك المنظر ديال نتمشى فالشتا... درت موسيقى فودني و كملت طريقي و كانعاير علاش ماكملتش قرايتي... علاش دارنا ماميسرش عليهم الله.. كون كانو قادرين يعيشو بلا بيا كوراني كملت قرايتي مرتاح... ولكن كانشوف الواليد صحتو تساست... والواليدة تا هي عايشة غا برضات الواليدين مع داك السكر مفشلها... كيغاندير نقرى و نبقى ناخد فلوس الطرونصپور و أنا طول من الواليد...
كانت كاتبان ليا القراية مامديوراش لواحد فحالي.... شديت الباك هادا جهدي... باراكا الواليدين مايقدوش يصبرو تا نضرب سنوات أخرى فالدراسة.... صافي عليها حبست و كون غا درت شي حاجة... حرجت و مادرت والو غير كانتجلوق فهاد كازا.... و دابا هاد بنت الناس للي كانبغي من قلبي ماقدرش نعيش معاها بسباب هاد الفقر ديال ***** تفووو .... المهم كنت خارج من لاصال فرحان فديك الشتا و داك المنظر ديال داك الكوپل فالطوموبيل كرهني فحياتي و هوما ماحسو بوالو... ماعرفوش بلي راه غلاو ليا الدم فعروقي بداك المنظر....
ملي قربت للدار.... كان جاي واحد الدري ماكانعرفوش ماشي ولد الدرب... ملي تلاقينا فالطريق هو يقول ليا صاحبي شي درهم... ناري هادا تا هو مالقى غير إيمتا يجي غير فالوقت للي كانعاير فالوضعية للي أنا فيها و جاي باغي يجقرني.... مع قالها وقفت و أنا نقول ليه.... غاتمشي ولا نفرڭع لــ**** مك وجهك آ ولد *****.. 
هو يقول ليا صاحبي دويت معاك غا بشوية.. قلت ليه و تا سير ت**** تصحبني شي ضحية راني جاي منين جيتي يلعن **** بوك .... هو يبقى يخنزر و مشا... بعد شوية هو يشير عليا بحجرة و هرب... ماجاتش فيا ديك الحجرة و كملت الطريق مادرتش فيه راسي و مال نشدو كون تبعتو... دخلت للدار ماتكونيكطيتش نعست بلا عشا.... الصباح هضرت مع أسماء.... تا هي كانت كاتعاني مع جدودها... حيت كانت عايشة مع جدها و جداتها... و الفاسا مراض شوية.... حيت هوما كانو فاسا.... كاتعاود ليا ديما كاتخلي ليها ماكلة ديال الشياطة.... واحد النهار خلات ليها شوية ديال الروز.. و فيه عظم ديال الفخد ديال الدجاج.... وايلي  على عظم... هادي راه مايمكنش والله و هادشي غير حفيدتهم.. صافي تا هي كانت كاتبقى فيا و كانزيد نحقد ماكرهتش نخرجها من داك الوضع للي فيه... أنا راه نعيشها حسن من ديك العيشة للي عايشة مع جدودها... واخا الفقر و كدا ولكن راه نقدر نبقى بلا عشا أنا ولكن عمرني نخليها بلا عشا و لا نخلي ليها عظم ديال الدجاج واخا الفقر و كدا ولكن الحمد الله ولاد الخير ... ماعندناش و ماكانربيوش الكبدة على الفلوس....
ضربت معاها واحد الشهر كلو حاقد و عمرني قلتها ليها... باش غادي تزيد تكمل عليا... نهار غادي يطرى ليا واحد المشكل فصحتي بسباب نهار مشيت نحرڭ فطنجة... ناس للي قارين القصة ديال الحريڭ غادين يكونو عاقلين آش داز عليا تما و يقدرو يتوقعو آش غادي يطرى واخا صعيب شوية...
المهم تفكرو الإصابات والمرض و داكشي و حاولو تتوقعو كيفاش لعقتها فصحتي و مابانت فيا حتى لدابا... يتبع...
هادا هو سؤال هاد الحلقة... آشنو المشكل للي غادي يكون طرى بسباب الهجرة لطنجة و فكرة الحريڭ ؟؟؟