شموسة والسحابة

حدوتة النهاردة خيالية شوية ......الهدف منها نعرف الاطفال باهمية دور الشمس و دورالسحاب في الكون .....و ان كل حاجه ربنا خلقها في الكون ليها اهمية و دور بتقوم بيه في خدمتنا .....و اننا منقدرش نستغني عن حد فيهم .......😍😍😍😍

حدوتة النهاردة ........( شموسة و السحابة )

كان يا ما كان .....كان في زمان .....سحابة كبيرررة ماشية في السماء .....😃😃😃   كانت السحابة فرحانة جدا ان حجمها كبير ....... فضلت تمشي تمشي لحد ما جت قدام الشمس و وقفت ......🌕🌕🌕🌕.

الشمس اضايقت منها جدا ......و قالتلها بغضب ..... من فضلك ممكن تبعدي عني شوية  .......ردت السحابة و قالتلها مالك يا شموسة .????......زعلانه ليه .......قالتلها انا مضايقه منك انتي...  اتفضلي ابعدي عني  شوية ......👎👎👎.انتي جيتي وقفتي قدامي و حجبتي الضوء و الحرارة بتوعي ......👌👌

يعني منعتي الضوء الجميل بتاعي يوصل للناس ..  و ينورلهم الكون و منعتي الحرارة بتاعتي توصلهم و تدفيهم ........👎👎زعلت منها السحابة و قالتلها ......  انا حسيت ان الحرارة بتاعت النهاردة شديدة اوي ...... فقولت اقف قدامك شوية عشان ابرد الجو شوية و الناس متضايقيش ........⛅⛅⛅

ردت شموسة و قالتلها يا سلام ........لا هما بيحبوني و بيحبوا النور و الحرارة بتاعتي .......اتفضلي بقي ابعدي عني شوية .....لان الناس زمانهم حاسين بالبرد و مستنينك تمشي عشان اظهر لهم تاني ......و ادفي لهم  الدنيا  .....⛅⛅⛅

.ردت السحابة و هي متغاظة من كلام شموسة ..و قالتلها طيب دة ساعات بتبقي الحرارة بتاعتك شديدة ..... و الناس بتفضل تدور علي اي شجرة و لا اي مكان يستخبوا فيك منك.... و من نورك و حرارتك ...🌅🌅🌅🌅🌅

.يعني لو  انتي فاكرة ان الناس بتحبك انتي و مبتحبنيش .....تبقي  غلطانة .....🌄🌄🌄🌄...بصتلها شموسة و قالتلها طبعا بيحبوني انا ......انا  بفيديهم .......اول .ما بظهر الصبح بنور لهم الدنيا بالنور بتاعي ..🌆🌆🌆.

. .و الحرارة بتاعتي بتدفيلهم الدنيا بسرعه......عشان كدة حتي ناس كتير بتحب الصيف .....و في الشتا لما بغيب عنهم و السحاب الكتير بيغطيني ....🌉🌉..  بيفضلوا يقولوا امتي الشمس تطلع بقي و تدفي الدنيا ........

اتضايقت منها السحابة الكبيرة اوووي و قالتلها انتي مالك مغرورة كدة ليه .......☁☁☁☁  خلاص تعالي نعمل اختبار ......و نشوف الناس بتحب مين فينا اكتر .......الشمس ردت و قالتلها ..... موافقة لاني متأكدة ان انا اللي هكسب .......⛅⛅⛅

...قالتلي ماشي يا شموسة اما نشوف،.......انا هختفي لمدة اسبوع و هسيبك تطلعي لوحدك كل يوم.......⛅⛅⛅.و بعدين انتي تختفي اسبوع و اظهر انا بس.. .و نشوف الناس هتعمل ايه.....????

.....و فعلا قعدت الشمس تطلع لوحدها كل يوم تنشر نورها و حرارتها في كل مكان في الكون .🌅🌅🌅.....و يوم بعد يوم ....بدأ الناس تشعر بالحر و يتعبوا و بدأت الشمس تلاحظ ان الناس ماشين ماسكين علي راسهم شمسيات عشان تمنع عنهم اشعتها و نورها و حرارتها ....🌂🌂🌂🌂.

..و يستخبوا تحت الشجر و جوة بيوتهم....و لما خلص الاسبوع بتاع الشمس ......🌌🌌🌌فرحت جدا السحابة ان الناس زهقت من الشمس المغرورة ......و قالتلها ..شوفي بقي الناس هتتبسط ازاي في الاسبوع بتاعي  ......

و اختفت الشمس و ظهرت السحابة الكبيرة ......☁☁☁☁. في الاول الناس فرحت انها هترحمهم من الشمس و حرارتها و بعدين يوم بعد يوم بدأوا يحسوا بالبرد و يتعبوا ....🌕🌕🌕🌕...و يلبسوا لبس تقيل عشان يدفوا .....و لما السحابة مطرت كمان مطر شديد......

الناس بقت بتجري في الشوارع علشان يستخبوا من المطر و البرد ...... 🌉🌉🌉و لما انتهي الاسبوع بتاع السحابة .......وقفت شموسة و السحابة الاتنين و هما مكسوفين جدا من نفسهم ...🌕🌕🌕☁☁☁....كل واحدة فيهم اكتشفت انها مش افيد من التانية ......و ان الناس مش بيحبوا حد فيهم اكتر من التاني ......⛅⛅⛅

اعتذرت شموسة للسحابة .....و اعتذرت السحابة لشموسة .....و قالتلها الناس بتحبنا احنا الاتنين .🌅🌅🌅..لاننا بنكمل بعض .....و كل واحد فينا ليه دور في الكون بيعمله ......يعني الناس متقدرش تستغني عن حد فينا ........

و توتة توتة خلصت الحدوتة حلوة و لا ملتوته ........😃😃😃😃

لو عجبتكم الحدوتة دوسوا لايك و شير علشان توصلكم حواديتنا و بوستاتنا باستمرار 😊