Monday, August 28, 2017

نهاية الديك المغرور

حدوتة النهاردة مناسبة لسن سنتين فأكثر ....😃😃😃😃

حدوتة النهاردة الهدف منها توعية الاطفال للبعد عن صفه الغرور لانها صفة مكروها

( نهاية الديك المغرور  ).

كان يا ماكان كان في زمان ديك اسمه كوكو .......🐔🐔🐔 كان الديك كوكو عايش في عشه مع مجموعة من الدجاج و البط كانوا بيحبوا بعض اووووي  ...🐔🐔🐔🐔 لكن الديك كوكو كان دايما شايف نفسه انه مختلف عن باقي الطيور .....😃😃😃

..لان حجمه كان كبير و ريشه الوانه زاهية و جميله و صوته كمان كان عالي و قوي ........😏😏😏😏  عشان كدة كان مغرور اووي ........كان دايما شايف نفسه احلي واحد في الطيور كلها ......😃😃😃

و  في يوم من الايام صحي الديك بدري كالعادة و قعد يقول بصوته العالي ...كوكو كوكو ...😊😊😊.كانت الطيور متعودة انها اول ما تسمع صوت الديك تعرف انها لازم تصحي و تبدأ يومها بهمه و نشاط .......👍👍👍

و بالفعل صحيت الطيور علي صوته و بدأت تاكل و تشرب و فجأه صرخ الديك بصوت عالي و قالهم استنوا  وقفوا الاكل و الشرب و اسمعوني ....🐦🐥🐤🐣

اتخضت الطيور كلها من صوته و قالولوا في ايه يا كوكو  ايه اللي حصل??? ..👎👎👎.قالهم بصوا انتوا كلكوا عارفين ان انا حجمي اكبر منكم و صوتي اعلي صوت فيكوا و ريشي الوانه جميله و زاهيه ....👌👌👌

و لان الطيور كلها عارفين انوا مغرور و شايف نفسه احسن واحد فيهم 😒😒😒.ردت الدجاج و البط عليه و قالولوا مااحنا عارفين ايه الجديد يعني ...👆👆👆..قالهم الجديد ان انا هبقي ملك عليكوا كلكوا  و مفيش حد هيعمل حاجه الا بأذن الملك ...🌿🌱🌿🌱🌿

مفيش اكل او شرب الا بأذني.......و محدش يخرج من العشه الا بأذني برضه..........😳😳😳 و دلوقتي بقي ارجعوا العشة محدش هياكل او يشرب الا بعد منا اخلص اكل و شرب ...الدجاج و البط كانوا فاكرينوا في الاول بيهزر معاهم ...😰😰😰..فقعدوا يضحكوا و يقولوا ملك ايه بس يا كوكو .......هو احنا عايشين في قصر هههههههه ...😂😂😂😂

صرخ الديك فيهم بصوت عالي و قالهم .........بقولكم كلكم دلوقتي ترجعوا العشه تاني بسرعه .........😱😱😱😱الطيور خافت منه و سابوا الاكل و الشرب و رجعت العشة جري .....و استمر الحال علي كدة لفترة .........كل يوم يصحي الديك كوكو المغرور يأكل و يشرب لوحده ..........😨😨😨

و يسيب الدجاج و البط محبوسين في العشه و لما يخلص اكل و شرب يسمح لباقي الطيور انهم يخرجوا علشان ياكلوا ........😝😝😝

و في يوم و الديك بيتنطط علي سور العشة  و عمال يتباهي بجماله و بريشة الملون قدام الطيور و عمال يغني بصوته العالي القوي  .....🐔🐔🐔🐔رجله اتزحلقت و ووقع جوة بركة الماية ...حاول يطلع معرفش  ريشه اتبل و مش عارف يطير .....😉😉😉.

.قعد يحاول برضه معرفش يطلع و الطيور واقفه تتفرج عليه خايفين يقربوا منه لحسن يزعق لهم 😖😖😖و يقولهم انتوا عملتوا كدة من غير اذني .....لحد ما صرخ الديك بصوته العالي وقالهم الحقووووني ......انقذووووني .......انا بغررررررق ...........😡😡😡😡.

..قعد الدجاج و البط يفكروا ..........يا تري يعملوا ايه ....و هينقذوا الديك كوكو ازاي ... 😔😔😔😔

قالت الدجاجه الحمرا  انا جاتلي فكرة  ايه رايكوا  نجيب  خشبة عريضة و ونحطها جوة البركة ونميلها ..........😃😃😃فيقدر الديك كوكو  يطلع عليها و يخرج من البركة.....👍👍👍ردت باقي الطيور عليها .......و الله دي فكرة حلوة اوووي ........يلا بسرعه ندور علي خشبة عريضة ....👌👌👌.

....و فعلا لاقوا الخشبة و حطوها بسرعه في البركة ....... ..نجحت فكرة الدجاجه الحمرا و بالفعل  خرج الديك من البركة .......👍👍👍

و قعد يحمد ربنا و يشكر الدجاجه الحمرا  و باقي الطيور اللي ساعدته و انقذته و كان مكسوف من نفسه جدا علي اللي عمله معاهم .....🐰🐣🐥🐤
و اعتذرلهم و قالهم من النهاردة انا مش ملك عليكوا و لا حاجه انا اكتشفت اني من غيركوا ابقي ولاحاجه............👎👎👎👎

دانا كنت هغرق في البركة و اموت لولا انكم كنتوا احسن مني و انقذتوني  و يا ريت نرجع صحاب تاني و نعيش مع بعض في العشة زي ما كنا الاول بنحب بعض.......🐔🐔🐔🐔🐔

وتوتة توتة خلصت الحدوتة .

يلا بقي بسرعة دوسوا لايك و شير علشان توصلكم حواديتنا و بوستاتنا باستمرار 😊😊

Post a Comment

يمكنك مشاركة الموضوع على الواتساب من هاتفك المحمول فقط

اكتب كلمة البحث واضغط إنتري