القرة سمسمة

حدوتة النهاردة الهدف منها اننا نبعد عن الغرور ومنقللش من دور اي حد لان ممكن نحتاج في يوم لدوره في حياتنا

( البقرة سمسمة ).......🐮🐮🐮🐮🐮

كتابة و تأليف : شيماء عبدالعال

كان ياما كان كان في زمان بقرة اسمها سمسمة .....كانت البقرة سمسمة عايشة في مزرعةمع مجموعة من الحيوانات و الطيور .......🐮🐮🐮.البقرة سمسمة كانت كل الحيوانات و الطيور بتحبها و نفسهم يبقوا اصحابها .

.....لكنها كانت مغرورة و مش بتكلم حد فيهم و بتحب تقعد لوحدها ........من ساعه ما صاحب المزرعه اشتراها و جابها المزرعه و خصص لها مكان تنام فيه و هي مش بتكلم باقي الحيوانات ......🐰🐑🐣🐥🐔

..في الاول الحيوانات افتكروها خايفة عشان غريبة عنهم و لسه جديدة في المزرعه.......و حاولوا كتير يتقربوا منها و تبقي صاحبتهم .......طلبوا منها كتير تلعب معاهم لكنها كانت بترفض ..........و تبصلهم و تسيبهم و تمشي .........😏😏😏

.و في مرة قرب منها الارنب فوفو و سألها انتي ايه حكايتك بقي .....????.هو احنا زعلناكي في حاجه .....😠😠😠😠.انتي مش بتكلمينا ليه ........قالتلوا و انا اتكلم معاكوا ليه ......انتوا مش زييا انا بقرة لكن انتوا مش بقر زي و انا اكتر واحدة مفيدة فيكوا في المزرعه .....اكتر واحدة بشتغل فيكوا ......😏😏😏😏😏

.انا بساعد صاحب المزرعه في زراعه الارض بتاعته و بياخد مني اللبن بيبيعوه و بيعمل منه الزبدة و الجبنة و بيكسب فلوس كتير ....💰💰💰💰..لكن انت بقي يا ارنب فوفو بتعمل ايه و ايه اللي بيكسبوا صاحب المزرعه من وراك .........🐰🐰🐰🐰

قالها انا بعرف اعمل حاجات كتير قالتلوابس برضه مش زي انا .........و سابيته و مشيت .......و هي ماشية بسرعه اتكعبلت في حبل مرمي علي الارض .....و من غرورها مرضيتش تبص تحتها ورفعت راسها لفوق و كملت مشي .......الحبل اتعقد في رجلها ووقعت علي الارض .........😨😨😨😨

الواقعه كانت جامدة اووووي و دمغها اتخبطت في الارض ...... .الارنب فوفو جري بسرعه عليها عشان يطمن عليها و يعرف جرالها ايه ..........لقي الحبل معقود في رجليها و لازم يتقطع ......🐇🐇🐇

....الارنب قرب من وش البقرة سمسمه و قالها متخافيش بسيطة ان شاء الله الحبل بس اتعقد في رجلك و اتربط فمحتاج يتقطع بحاجه ...✂✂✂✂..بس متقلقيش انا اقدر اساعدك ......انا هروح انده صاحب المزرعه يجيب مقص و يقص الحبل ....👌👌👌👌👌

..قالتلوا  بس صاحب المزرعه مش موجود دة خرج و هيرجع بكرة الصبح ........يعني هفضل كدة لحد الصبح ...😰😰....قالها طيب خلاص انا جاتلي فكرة انا اسناني قوية و حامية زي السكينة ممكن اقرقض الحبل باسناني و اقطعه و افكك من الحبل .....😉😉😉😉..

.و بالفعل بدأ الارنب فوفو يقطع الحبل باسنانه لحد ما فك البقرة سمسمه ......و اتجمعت باقي الحيوانات و فضلوا يسندوها و يساعدوها لحد ما وقفت علي رجلها ......🐔🐤🐗🐰🐑🐎🐫🐦

فرحت جدا البقرة سمسه و شكرتهم و كانت مكسوفه جدا من نفسها..... عشان غرورها خلاها تبعد عن باقي الحيوانات و تفتكر نفسها احسن منهم ......مكنتش تعرف ان كل حيوان في المزرعه له دور و وظيفه مش لازم كلنا نكون زي بعض ....🐴🐎🐑🐰🐗.

..و ان لولا مساعدة الارنب فوفو و باقي الحيوانات اللي في المزرعه مكنتش عرفت تفك الحبل من رجلها ........و من ساعتها بقت البقرة سمسمة بتحب كل الحيوانات و هما كمان بيحبوها و بقوا اصحاب جدا .........🐮🐮🐮🐮🐮

وتوتة توتة خلصت الحدوتة

لوعجبتكم حدوتة النهاردة ...دوسوا لايك و كومنت علشان توصلكم حواديتنا باستمرار 😊